دەست ب ھنارتنا کەلوپەلان بۆ رۆژئاڤایێ کوردستانێ ھاتە کرن
تۆرا لالش يا راگه‌هاندنێ
رێڤەبەرێ خالا سنۆری پیشابیری (سێمالکا) دیارکر، دووڤ بریارا حکومەتا ھەرێما کوردستانێ ئەڤرۆ 8/6/2016 دەست ب ھنارتنا گەل وپەلێن خۆارنی و ڤەخۆارنی و ناڤمالی و ھەموو پێدڤێن دی ژیانی ھاتە کرن بۆ رۆژئاڤایێ کوردستانێ.
شوکەت بەربھاری، رێڤەبەرێ خالا سنۆری پیشابیری (سیمالکا) بۆ باسنیوز دیارکر، گومرک ژ وان بارزگانان و کەسان ناگریت یێ کەلوپەلان دبنە بۆ رۆژئاڤایێ کوردستانێ و پێدڤیە ل رۆژئاڤایێ کوردستانی ژی گومرک نەھێتە وەرگرتن بۆ وی چەندی بھا کەرەستان ل سەر وەلاتیان گران نەبیت و ب بھایێ ئەرزان بگەھنە بازاری و دەستێن وەلاتیان.
بەربھاری گۆت: ” چو رسومات وباج ناھێنە وەرگرتن دووڤ بریارا حکومەتا ھەرێما کوردستانێ ئەڤە دێ بیتە ئەگەر بھا کەرەستان ل بازاری باژێریێن رۆژئاڤایێ کوردستانێ گران نەبیت و دووڤ بریاری پێدڤیە ھەر دو لایەن باجی نە وەرگرتن ئەم دێ پیگیر بن وباج ناھێتە وەرگرتن”.
تُتاح هذه الصورة أيضا في: کوردی
