فه‌للووجه: 50 هزار وه‌لاتی هاتینه دۆرپێچكرن
وار
نه‌ته‌وه‌یێن ئێكگرتی رادگه‌هینیت، نێزیكی 50 هزار ژ وه‌لاتیێن سڤیل ل باژێرێ فه‌للووجه هاتینه دۆرپێچكرن و ژبه‌ر پێكدادانێن نێڤبه‌را هێزێن ئیراقێ و تیرۆرستێن داعشێ دا، نه‌شێن ژ باژێڕی ده‌ركه‌ڤن.
رێكخراوا كۆچا نێڤده‌وله‌تی و هه‌ژماره‌كا رێكخراوێن سه‌ر ب نه‌ته‌وه‌یێن ئێكگرتی ڤه راگه‌هاندن، د چه‌ند رۆژه‌كێن بۆری دا پێشوازی ل 10 هزار وه‌لاتیێن فه‌للووجه هاتیه كرن، حكومه‌تا ئیراقێ ژی 60 هزار خیڤه‌ت ل پارێزگه‌ها ئه‌نبارێ بۆ پێشوازیكرنا ئاوره‌یێن فه‌للووجه ڤه‌داینه.
د نها دا شه‌ڕ ب دژواری ل ده‌ردۆرێن فه‌للووجه به‌رده‌وامه و هێزێن ئیراقی بزاڤێ دكه‌ن بچنه دناڤا فه‌للووجه دا، لێ راستی شه‌ڕه‌كێ دژوار دبن ژ ئالیێ تیرۆرستێن داعشێ ڤه و تیرۆرست ناخوازن ب سانه‌هی فه‌للووجه ژ ده‌ست بده‌ن.
تُتاح هذه الصورة أيضا في: کوردی
