پەكەكە ب ئاشكەرا دبێژت فەرمانێ ژ بەغدا وەردگرین
هەولێر-KDP.info- 
قایممقامێ قەزا شنگالێ جارەكا دی دووپات كرە ڤە،چەكدارێن پەكەكە كێشە بۆ وەلاتی و ئیدارەیا شنگال دروست دكن و ژ لایێ بەغدا ڤە فەرمان پێ هاتیە دان ژ ناوچەیێ نێنە ڤەكێشان.
مەحما خەلیل،قایممقامێ قەزا شنگال ب مالپەرێ فەرمیێ پارتی دیموكراتی كوردستان راگەهاند:”چەكدارێن پارتا كرێكارێن كوردستانێ پەكەكە كێشە بۆ ئاكنجیێن قەزا شنگال دروست دكن،بەلگە ل بەر دەستێ مە دایە دەربارەی رێگریێن پەكەكە ل خەلكێ دەڤەرێ، پەكەكە ب ئاشكەرا دبێژت ژ بەغدایێ فەرمانێ وەردگرین و پەیوەندیا مە یا ب هێزە، چەندین جاران ژی وان دووپات كریە”.
خەلیل گۆتژی ئەنجوومەنێ پارێزگەها نەینەوا بریار دایە دڤێت پەكەكە شنگالێ چۆل بكت، بەلێ وان ب هیچ شێوەیەك ناچنە ژێر بار؛ئەو خۆ دانپێدانێ ب ئیدارە و خەلكێ باژێرێ ناكن،ژبەر هندێ دبێژم پەكەكە ب پلانا عێراق و سووریا ل ناوچەیێ دایە.
تُتاح هذه الصورة أيضا في: کوردی
