بەرپرسێن سەربازیێن ئەمریكا:ئۆپەراسیۆنا رزگاركرنا مووسلێ دێ گیرۆبت
K24_هەولێر
بەرپرسێن سەربازی یێن ئەمریكا ئاشكراكر،ژبەر ماندیبوونا سەربازێن سوپایێ عێراقێ و نەبوونا چەكێ پێشكەفتیێ باش،ئەگەرا زۆر هەیە ئۆپەراسیۆنا كۆنترۆلكرنا باژێرێ مووسلێ ل باكوورێ عێراقێ بۆ چەند هەیڤان گیرۆ بتن.
ل گۆر راپۆرتەكا رۆژنامەیا نیویۆرك تایمز یا ئەمریكی،ژمارەیەكا بەرپرسێن سەربازی یێن ئەمریكا ب وێ رۆژنامەیێ راگەهاندیە كو بێ زێدەكرنا هاریكاریێن سەربازیێن ئەمریكا بۆ سوپایێ عێراقێ، ئۆپەراسیۆنا رزگاركرنا باژێرێ مووسلێ سەركەفتی نابت.
فەرماندە سەربازیێن ئەمریكا ئەو ژی ئاشكەراكر،كو هاتنا هەیڤا رەمەزانێ و ب رۆژیبوونا ژمارەیەكا زۆر ژ سەربازێن عێراقێ،خالەكا دی یە بۆ ئەگەرێ گیرۆبوونا وێ ئۆپەراسیۆنێ.
دڤی دەربارەی دا كریستۆفەر گرایڤەر،ئاخفتنەكەرێ هێزێن هەڤپەیمانیا نێڤدەولەتی ل دژی داعشێ،ب رۆژنامەیا نیویۆرك تایمز راگەهاند كو نۆكە كێشەیا لۆجستی مەزنترین كێشەیە ل بەردەم ئۆپەراسیۆنا رزگاركرنا مووسڵێ و هەموو هەولێن خۆ مە ئێخستینە كار بۆ ئەنجامدانا وێ ئۆپەراسیۆنێ ل دەمێ خۆدا.
باژێرێ مووسلێ ناڤەندا پارێزگەها نەینەوا ل ناڤەراستا سالا 2014 كەفتە بن دەستێ چەكدارێن داعشێ.
تُتاح هذه الصورة أيضا في: کوردی
