بریارە شاندەكێ هەرێما كوردستانێ سەرەدانا بەغدا بكت
تۆرا لالش یا راگەهاندنێ
ئەندامەكێ لژنەیا دارایی ل ئەنجوومەنێ نوونەرێن عێراقێ دبێژت،دانانا مەرجا بۆ هەرێما كوردستانێ بۆ پێدانا پشكا وێ ژ قەرزێ نێڤ دەولەتی، بیانوویە،گەر نا هیچ پەیوەندی ب بوودجە و نەفتێ ڤە نینە و هەرێم تا نۆكە ژی بەشكە ژ عێراقێ،لەوا هەتا وەك لگەل وان بین پێتڤیە پشكا هەرێمێ بدەن.
حاكم (سەرحان سلێڤانەیی)،ب مالپەرێ فەرمیێ پارتی دیموكراتی كوردستانی راگەهاند:”سەرەرای كو كێشە ل ناڤبەرا هەرێمێ و بەغدا دا دەربارەی بوودجێ هەینە، بەلێ پێدانا قەرزێ نێڤ دەولەتی ب عێراقێ، پەیوەندی ب وێ چەندێ نینە و پێتڤیە پشكا هەرێما كوردستانێ بدەن،ژبەركو هەرێم بەشەكە ژعێراقێ،ئەو قەرزە ژی بۆ هەموو عێراقێ ،نەكو تنێ هندەك پارێزگەها،لەوا دانانا مەرجا بیانوویە دا نەدەن”.
(سلێڤانەیی) گوتژی وەكو چاوا بەغدا یاسایا بوودجەیا گشتی یا عێراقێ ماوەێ چەند سالەكایە پێشێل دكت و پشكا هەرێما كوردستان نادەت،پێم وا نیە پشكا هەرێمێ ژ قەرزێ نێڤ دەولەتی ژی بدەت.
ئەندامێ لژنەیا دارایی دبێژت ژی بریارە ل رۆژێن داهاتی دا شاندەكێ حكوومەتا هەرێما كوردستانێ سەرەدانا بەغدا بكت و گفتوگۆیێ دەربارەی كێشەیان بكن لگەل بەرپرسێن بەغدا دا،بەلێ تا نۆكە ژی رۆژ نەهاتیە دیاركرن.
ئەڤەش ژی ل وەختەكی دایە،بریارە 20ملیار دۆلار وەك قەرزێ نێڤ دەولەتی ب عێراقێ بێتە دان، بەلێ بەغدا مەرجی دانایە كو پێتڤیە هەرێم رۆژانە ٥٥٠هەزار بەرمیلێن نەفتێ رادەستی وان بكت هەتا پشكا هەرێمێ ژ وی قەرزی بدەن.
تُتاح هذه الصورة أيضا في: کوردی
