ئەمریكا سەركەفتنا پێشمەرگەی ل باشوورێ مووسلێ راگەهاند
رووداو – واشنتن
فەرماندەیێ هێزێن ناڤەندیێ ئەمریكا رادگەهینت،هێزێن پێشمەرگەی 85 كیلۆمەترێن دووجا ل باشوورێ باژێرێ مووسلێ ب هەڤكاریا فرۆكەیێن هەڤپەیمانان كۆنترۆل كرن.
پاتریك رایدەر، ئاخفتنكەرێ فەرماندەیێ هێزێن ناڤەندیێ ئەمریكا رۆژا ئینیێ 3-6-2016، بەحسێ سەركەفتنێن پێشمەرگەی و شكستنا چەكدارێن داعشێ كر و راگەهاند، هێزێن پێشمەرگەی ب پالپشتیا هەڤپەیمانان 85 كیلۆمەتر ل باشوورێ مووسلێ كۆنترۆڵكرینە.
پاتریك رایدەر ل تۆرا كۆمەلایەتی یا توویتەر زێدەتر روونكرن داینە و ئاماژە دایە،ب وێ ئۆپەراسیۆنا پێشمەرگەی زێدەتر ناوچێن ژێر دەسەلاتا داعشێ بەرتەسك كرینە، شەرێ دناڤبەرا داعش و پێشمەرگەی ل سنوورێ مووسلێ ب شەرەكێ سەخت پێناسە كریە.
ئاخفتنكەرێ فەرماندەیێ هێزێن ناڤەندیێ ئەمریكا ئاماژە ب شكستنا داعش ل رۆژئاڤایێ كوردستانێ و سووریا ژی دایە و راگەهاندیە، ل داویا هەیڤا بۆری هێزێن سووریا یا دیموكرات زێدەتر ژ 100 كلیۆمەتر ل سنوورێ منبج كۆنترۆلكرینە.
وەك ئاماژەیەك بۆ هەولێن ئەمریكا و هەڤپەیمانان بۆ ژناڤبرنا داعشێ ژبلی هێرشێن ئاسمانی،پاتریك راگەهاندیە،زێدەتر ژ23 هەزار عێراقی ژلایێ ئەمریكا و هەڤپەیمانان ڤە راهێنان پێ هاتیە كرن.
تُتاح هذه الصورة أيضا في: کوردی
