تۆرا لالش
هه‌تا نهۆ وه‌رگرتنا گه‌نمێ جووتیارێن پشكه‌كا ناڤچه‌یێن كوردستانی یێن پارێزگه‌ها نه‌ینه‌وا نه‌هاتیه وه‌رگرتن، چاڤه‌رێ ڕازه‌مه‌ندیا وه‌رگرتنا حكومه‌تا فیدرال دئێته‌كرن، سەدان جووتیار ژ ڤێ بریارێ زه‌ره‌رمه‌ندن و ناڤچه‌یێن كوردستانی هاتینه پشتگۆهـ هاڤێتن و نه د پلانێ دانه.
تێ زانین هۆبێن كشتوكالی یێن جووتیارێن پشكه‌كا ناڤچه‌یێن كوردستانی یێن سنوورێ پارێزگه‌ها نه‌ینه‌وا، گرێبه‌ستێن خوه یێن كشتوكالی یێ ل سه‌ر دهۆك و هه‌ولێر چێكرین، ل گۆر ڕێنمایێن وه‌زاره‌تا كشتوكالی یا عیراقێ مه‌رجه گرێبه‌ست بهێنه نووكرن ل رێڤه‌به‌ریا سه‌ر ب پارێزگه‌هێن خوه ڤه.
هه‌روه‌سان پارێزگارێ مووسلێ داخواز ژ سوودانی كریه ڤان ناڤچه‌یان د پلانا وه‌رگرتنا گه‌نمی بكه‌ت و ده‌رگه‌هێ سایلۆیان بۆ جووتیارێن ناڤچه‌یێن كوردستانی بهێـنه ڤه‌كرن، هه‌موو رێكار د ته‌مام كرینه بتنێ ڕازه‌مه‌ندیا به‌غدایێ مایه.
هه‌یڤه‌كه وه‌رگرتنا گه‌نمێ جووتیاران ل عیراقێ ده‌ستپێكریه، بۆ ئیساله پێنج ملیۆن و 100هه‌زار دۆنمێن عه‌ردی دناڤ پلانێ دانه.
تُتاح هذه الصورة أيضا في: کوردی
