تۆرا لالش
پشتی وه‌زاره‌تا دارایی ل حكومه‌تا عیراقێ مووچه‌یێ فه‌رمانبه‌ر و مووچه‌خۆرێن هه‌رێما كوردستانێ ب ته‌مامی بڕی، ئه‌ڤێ چه‌ندێ وه‌لاتیێن هه‌رێما كوردستانێ دلگران كرینه، هه‌ر ل دۆر ڤێ یه‌كێ كاسبكار سه‌رهه‌نگ سلێمان د داخویانیه‌كێ دا بۆ كه‌نالێ سه‌ما یێ ڕاگه‌هاندنا بنگه‌هێ لالش دا دیاركرن: بڕینا مووچه‌ی كارتێكرن ل ژیانا خه‌لكی كریه.
گۆتژی: بڕینا مووچه‌یێ فه‌رمانبه‌رێن هه‌رێمێ ژ ئالیێ به‌غداڤه كارتێكرنه‌كا مه‌زن ل بازاری كریه، به‌ری برینا مووچه‌ی تا راده‌یه‌كی بازارێ كۆمه‌لگه‌ها شاریا یێ باش بوو و خه‌لكی بۆ كرینا پێتڤیێن خوه سه‌ره‌دانا بازاری دكر، لۆ نهۆ زێده سست بوویه.
سه‌رهه‌نگی دیاركر: دخوازین ب زووترین ده‌م قه‌یرانا دارایی بهێته چاره‌سه‌ركرن و ژبه‌ركو نه‌بوونا مووچه‌یی كارتێكرن ل سه‌ر دوكانداری و وه‌لاتیان و هه‌موو جۆمگێن ژیانێ هه‌یه، ژبه‌ركو خه‌لكێ شاریا و كوردستان ب گشتی بتریا ژیانا وان یا نۆكه ل سه‌ر مووچه‌ی یه.
تُتاح هذه الصورة أيضا في: کوردی
