نیسان 20, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

هه‌ڤپه‌يمانيا نێڤده‌وله‌تى په‌سنا رۆلێ پێشمه‌رگه‌ى د شه‌ڕێ دژى تيرۆرێ دا كر

هه‌ڤپه‌يمانيا نێڤده‌وله‌تى په‌سنا رۆلێ پێشمه‌رگه‌ى د شه‌ڕێ دژى تيرۆرێ دا كر
گاڤ

سه‌رۆك بارزانى و فه‌رمانده‌يێ هێزێن هه‌ڤپه‌يمانان ل سووريا و ئيراقێ ره‌وشا مه‌يدانى يا شه‌ڕێ دژى تيرۆرێ به‌حسكرن و هه‌ڤپه‌يمانيا نێڤده‌وله‌تى په‌سنا رۆلێ پێشمه‌رگه‌ى د شه‌ڕێ دژى تيرۆرێ دا كر.

سه‌رۆك مه‌سعوود بارزانى ئه‌ڤرۆ دوشه‌مبيێ ل سه‌لاحه‌دين پێشوازى ل جه‌نه‌رال مه‌كفارلێن فه‌رمانده‌يێ هێزێن هه‌ڤپه‌يمانان ل سووريا و ئيراقێ بۆ شه‌ڕێ دژى داعش و شانده‌كێ ل گه‌ل دا كر.

د راگه‌هاندنه‌كا باره‌گايێ بارزانى دا هاتيه‌؛ ره‌وشا مه‌يدانى يا شه‌ڕێ دژى تيرۆرستێن داعش د ديدارێ دا هاته به‌حسكرن و ته‌كه‌زى ل سه‌ر هندێ هاته‌ كرن كو تيرۆر مه‌ترسيه‌كا به‌رده‌وامه‌ و بۆ بنبرکرنا تيرۆرێ و هزرا توندره‌و پێدڤيه‌ جڤاكێ نێڤده‌وله‌تى و هێزێن هه‌ڤپه‌يمانان و وه‌لاتێن ده‌ڤه‌رێ د هه‌ماهه‌نگيه‌كا به‌رده‌وام دا بن.

هه‌ڤپه‌يمانيا نێڤده‌وله‌تى د ديدارێ دا په‌سنا رۆلێ پێشمه‌رگه‌ى كر و ب هێزه‌كا خۆدان مۆرال بناڤكر و حه‌زا هه‌ڤپه‌يمانان بۆ رێكخستنا هێزێن پێشمه‌رگه‌ى دوپاتكر.

سه‌رۆك بارزانى د كۆمبوونێ دا سوپاسيا هه‌ڤكارى و هه‌ماهه‌نگيا هه‌ڤپه‌يمانان ل گه‌ل هێزێن پێشمه‌رگه‌ى د شه‌رێ دژى تيرۆرستان دا كر و دياركر؛ هێزێن پێشمه‌رگه‌يێ كوردستانێ قۆربانيه‌كا مه‌زن داينه‌ و سه‌ركه‌فتنێن مه‌زن بده‌ستڤه‌ئيناينه‌، چونكى خۆدانێ دوزه‌كا ره‌وانه‌.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi