حكومه‌ت ل دۆر دابینكرنا گازا سپى بۆ وه‌لاتیان كۆمبوو
گاڤ نيوز:
جڤاتا وه‌زيرێن هه‌رێما كوردستانێ كۆمبوونه‌ك گرێدا و تێدا ئاماژه ب به‌رهه‌ڤيێن دابينكرنا نه‌فتا سپى بۆ وه‌لاتيان د وه‌رزێ زڤستانێ دا هاته‌دان.
د راگه‌هاندنه‌كا حكومه‌تا هه‌رێما كوردستانێ دا هاتيه؛ جڤاتا وه‌زيرێن هه‌رێما كوردستانێ ئه‌ڤرۆ چارشه‌مبيێ ب سه‌رپه‌رشتيا مه‌سرور بارزانى سه‌رۆكێ جڤاتا وه‌زيران كۆمبوو و ل ده‌ستپێكا كۆمبوونێ سه‌رۆكوه‌زيرێ هه‌رێمێ پێشهاتێن سياسى ل ئيراقێ به‌حسكرن و دياركر كو هه‌رێما كوردستانێ ل گه‌ل چاره‌سه‌ركرنا كێشه‌يێن ئيراقێ يه ب ئاشتيانه و ل سه‌ر بنياتێ ده‌ستوورى.
پاشى هه‌ر ئێك ژ ئانۆ جه‌وهه‌ر وه‌زيرێ په‌روه‌رده‌يێ ب وه‌كاله‌ت و ئارام محه‌مه‌د قادر وه‌زيرێ خواندنا بلند و لێكۆلينێن زانستى به‌رهه‌ڤيێن هه‌ردو وه‌زاره‌تان بۆ سالا نوى يا خواندنێ 2022-2023 به‌حسكرن.
د بڕگه‌يا سيێ ژ كۆمبوونێ دا هه‌ر ئێك ژ كه‌مال محه‌مه‌د سالح وه‌زيرێ سامانێن سرۆشتى ب وه‌كاله‌ت و ئاوات شێخ جه‌ناب وه‌زيرێ دارايى و ئابوورى به‌حس ل به‌رهه‌ڤيێن دابينكرنا نه‌فتا سپى بۆ وه‌لاتيان د وه‌رزێ زڤستانێ دا كرن.
د راگه‌هاندنێ دا هاتيه ژى؛ جڤاتا وه‌زيران وه‌كى سالێن بۆرى ب هه‌ماهه‌نگى ل گه‌ل حكومه‌تا فيدرالى به‌رهه‌ڤيێن پێدانا نه‌فتا سپى ب وه‌لاتيان دكه‌ت و بڕيار دا كو به‌رهه‌ڤيێن پێدڤى بۆ دابه‌شكرنا نه‌فتا سپى و ب تايبه‌ت بۆ ده‌ڤه‌رێن سار و چيايى بهێنه كرن و هه‌ر ئێك ژ وه‌زيرێ سامانێن سرۆشتى ب وه‌كاله‌ت، وه‌زيرێ هه‌رێمێ بۆ كاروبارێن دانوستاندنێ ل گه‌ل حكومه‌تا فيدرالى و نوينه‌رايه‌تيا حكومه‌تا هه‌رێمێ ل به‌غدا بۆ ئه‌نجامدانا كارێن پێدڤى هاتنه راسپاردن.
د بڕگه‌يا دويماهيێ ژ كۆمبوونێ دا، بابه‌تێن گرێبه‌ستان د دامه‌زراوه‌يێن هه‌رێما كوردستانێ دا و دامه‌زراندنا هه‌لگرێن باوه‌رنامه‌يێن ماسته‌ر و دكتۆرايێ هاتنه گه‌نگه‌شكرن.
س.س
تُتاح هذه الصورة أيضا في: کوردی
