حوزه‌یران 21, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

‌وه‌زاره‌تا بازرگانى روونكرنه‌ك ده‌رباره‌یی چه‌ندین جۆرێن زه‌یتێ به‌لاڤكر

‌وه‌زاره‌تا بازرگانى روونكرنه‌ك ده‌رباره‌یی چه‌ندین جۆرێن زه‌یتێ به‌لاڤكر
خانى نيوز:

وه‌زاره‌تا بازرگانى و پیشه‌سازى یا حكومه‌تا هه‌رێما كوردستانێ روونكرنه‌ك سه‌باره‌ت چه‌ند جورێن زه‌یتێ ل هه‌رێما كوردستانێ به‌لاڤكر.
ئه‌ڤرۆ سێشه‌مبی وه‌زاره‌تا بازرگانى و پیشه‌سازى راگه‌هاندنه‌ك به‌لاڤكر و تێدا هاتییه‌: پشتى ل هه‌یڤا بورى ده‌نگویه‌‌ك ل ده‌زگه‌هێن راگه‌هاندنێ ب تایبه‌ت ل سوشیال میدیایان هاتیه‌ به‌لاڤكرن كو ڤه‌كۆلینه‌ك ل كۆلیژا زانستێن ئه‌ندازیارى یێن چاندنێ یا زانكۆیا سه‌لاحه‌دین بۆ چه‌ند جۆرێن زه‌یتێ كو دبازارى دا هه‌نه‌ هاتییه‌ ئه‌نجامدان كو پێنج زه‌یت ژ وان زه‌یتان بكێر خوارنێ ناهێن كو ژ شه‌مالك و كریستال و پاشمایێن نه‌فتێ هاتیه‌ دروستكرن و دبنه‌ ئه‌گه‌رێ جه‌لتێ .
ئه‌و ژی گۆتییه‌: وه‌زاره‌تا بازرگانى وپیشه‌سازى ب مه‌ره‌ما دیڤچوونێ ب نڤیسارا ژماره‌ 1624 ل 5 / 4 / 2022 داخواز ژ زانكۆیا سه‌لاحه‌دین و كولیژێ كر كو وان ڤه‌كۆلینان بۆ بهنێرن بۆ ڤه‌كۆلینێ سه‌باره‌ت بابه‌تى .
زانكۆیا سه‌لاحه‌دین ب نڤیسارا ژماره‌ 45371 ل 28 / 4 / 2022 راپۆرتا پروفیسۆر رابه‌ر فه‌تاح سالح مامۆستایێ كولیژێ بۆ مه‌ هنارت كو ئه‌نجامده‌رێ ڤه‌كۆلینێ بوو” تێدا هاتیه‌ بابه‌تى په‌یوه‌ندى ب پوسته‌كێ دو سالا به‌رى نوكه‌ ڤه‌ هه‌بوو كو به‌حسێ گرنگیا ئه‌نجامدانا ڤه‌كۆلینێ دكه‌ت و داخواز هاتییه‌ كرن گرنگى ب به‌رهه‌مێن خومالی بهێته‌ دان چ ڤه‌كۆلینه‌كا ژ ڤى بیاڤى دا نه‌هاتیه‌ ئه‌نجامدان و چ هه‌بوون ژى نینه‌ و چ داخویانیه‌ك د ڤى بیاڤى دا نه‌هاتیه‌ دان .
وه‌زاره‌تا بازرگانى داخواز ژ ده‌زگه‌هێن راگه‌هاندنێ دكه‌ت كو به‌رپرسیارانه‌ ره‌فتارێ ل گه‌ل ڤان جۆره‌ ده‌نگوباس و بابه‌تان بكه‌ن و باش پشتراستبن به‌رى به‌لاڤكرنێ و وه‌لاتیان ژى ئاگه‌هدار دكه‌ین كو لژنێن بازرگانى یێن سه‌ر ب وه‌زاره‌تا مه‌ به‌رده‌وام د دیڤچوونێ دانه‌ و چ حاله‌ته‌كێ ژ ڤى جۆرى نینه.‌

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi