مەسروور بارزانی: ل هەرێما کوردستانێ دەلیڤەیەکا باش بۆ ئازادیا راگەهاندنێ هاتیە پەیداکرن
گاڤ نیوز
ب هەلکەفتا 124 سالیا رۆژنامەگەریا کوردی و دەرکەفتنا ئێکەم ژمارەیا رۆژنامەیا کوردستان ژ ئالیێ مێقداد مەدحەت بەدرخان ڤە، سەرۆکێ حکومەتا هەرێما کوردستانێ پەیامەک بەلاڤ کر.
مەسروور بارزانی د پەیاما خۆ دا نڤیسیە،”راگەهاندن پەیامەکا گرنگ و پیرۆز هەیە کو هشیارکرنا کۆمەلگەهێ و گەهاندنا زانیاریێن راست و دروستە، هەرێما کوردستانێ پێدڤی ب رۆژنامەڤانێن پیشەیی و خۆبەرپرسیارزان هەیە کو پشکداریەکا کارا و ئەرێنی د پرۆسەیا گوهۆڕینێن سیاسی، ئابۆری، کۆمەلایەتی و فەرهەنگا کۆمەلگەها کوردستانێ دا هەبیت، ب گیانەکێ بەرپرسیار و ب باشترین و جوانترین رەنگ د خزمەتا کۆمەلگە و ئارمانجێن نشتیمانی یێن بلند دا کار بکەت”.
هەروەسا نڤیسیە،”جهێ خوشحالیێ یە کو ل هەرێما کوردستانێ ژینگەهـ و دەلیڤەیەکا باش بۆ کار و بزاڤێن رۆژنامەڤانی و ئازادیا راگەهاندنێ ب گشتی هاتیە پەیداکرن و ب سەدان دەزگەهێن جودا و فرەدەنگی و راگەهاندنێ مفا ژ ڤی سەقایێ ئازاد وەرگرتیە کو حکومەتا هەرێما کوردستانێ بەردەست کریە و ب ئازادی کار دکەن.
سەرۆکێ حکومەتێ نڤیسیە ژی،”داخوازێ ل رۆژنامەڤان و راگەهاندکارێن راستەقینە یێن کوردستانێ دکەم کو رێکێ نەدەن چ ئالی و کەس ڤی پیشە و ئەرکێ گرنگ و بها بۆ مەبەستێن تایبەت یێن خۆ و ناڤزراندن و بێرێزیکرین و سڤکاتیکرنێ ب بهایێن بلند یێن نشتیمانی بکار بینن”.
تُتاح هذه الصورة أيضا في: کوردی
