نێچیرڤان بارزانی: دخوازین حکومەتا فیدرال قەرەبوویا قوربانیێن ئەنفالان بکەت
گاڤ نیوز
سەرۆکێ ھەرێما کوردستانێ راگه‌هاند، دخوازین حکومەتا فیدرال ھمبەر ئەرکێ خۆ یێ قانوونی، ئەخلاقی و مرۆڤی قەرەبوویا قوربانیێن ئەنفالان بکەت.
ئه‌ڤرۆ ١٤ی نیسانێ ٣٤ سال ب سەر یادا ئەنفالاندا دەربازبوون کو د ئەنفالان دا ١٨٢ ھزار وەلاتیێن بێ تاوان شەھید بوون و ھزاران کەس ژی بێ سەروشوین بوون.
نێچیرڤان بارزانی، سەرۆکێ ھەرێما کوردستانێ ڤێ یادێ ب درندەترین تاوانێن مێژوویێ ناڤ دکەت و دبێژیت: دەستھەلاتا وی دەمی یا ئیراقێ جینۆساید ب سەرێ گەلێ کورد ئینایە، ھەروەسا ئاشکراکر، ب قۆناغان ژمارەیەکا زۆر یا ناوچەیێن کوردستانێ ڤەگڕت و تا ھەتایە خالەکا رەشە ب ناڤ چاڤێن مێژوویێ و ئەنجامدەرێن وێ ڤە و بەرپراستیا تەمام ژی بۆ مرۆڤاتیێ ڤەگەڕاند کو چ جاران رێکێ نەدەت ئەڤ جۆرە تاوانە ل چ جھەکی سەر ئەردی دوبارە ببن و ب ھەموی شێوەیان رێک لێ بھێتە گرتن.
نێچیرڤان بارزانی د پەیاما خۆ دا دبێژیت: ل دەمەکی ھەرێما کوردستانێ د رەوشەکا ھەستیار دا دبۆریت باشترین یاد و بلندراگرتنا وێ یادا شەھیدێن ئەنفال و تەماما شەھیدێن کوردستانێ، تەبای، پێکڤەی، ئێکرێزیا ھێز و ئالیێن کوردستانی و پێکھاتێن وێ ژبۆ مسۆگەرکرن و پاراستنا مافێن دەستووری و قەوارەیێ سیاسی و فیدرالی و پاشەرۆژا ھەرێما کوردستانێ یە.
سەرۆکێ ھەرێما کوردستانێ ھەر د یادا ئەنفالان دا دیاردکەت، د دەمەکی دا دادگەھا بلندا تاوانان ل ئیراقێ ئەنفال ب جینۆساید و تاوانێن دژی مرۆڤاتیێ و شەڕی ناسکریە، دڤێ یادێ دا دوپاتیێ دکەین حکومەتا ئیراقێ ھمبەری ئەرکەکێ قانوونی، ئەخلاقی و مرۆڤی قەرەبوویا قوربانیێن ئه‌نفالان بكه‌ت.
ھەروەسا دوپاتکر، ل ھەرێما کوردستانێ ژی یا د شیان دا بیت بۆ خزمەتکرنا خێزان و کەسوکارێن ئەنفالکریان دێ ھێتەکرن و بزاڤ ژی بۆ ئاڤەدانکرنا ناوچەیێن ئەنفالکریان و ڤەگەڕاندنا رووفاتێن ئەنفالکریان دێ بەردەوام بیت، ھەروەسا ل سەر ئاستێ نێڤدەولەتیژی بزاڤێن وان بۆ جینۆساید ناساندنا ڤێ تاوانێ دێ بەردەوام بن.
تُتاح هذه الصورة أيضا في: کوردی
