وه‌زاره‌تا باژێڕڤانیان: ژ ستانداردێن جیهانى زێده‌تر ئاڤێ دده‌ینه وه‌لاتیان
گاڤ نیوز
حكومه‌تا هه‌رێما كوردستانێ راگه‌هاند، دابینكرنا ئاڤێ ل هه‌رێمێ ستانداردێن جیهانى به‌زاندینه و بۆ هه‌ر وه‌لاتیه‌كى ئاڤه‌كا زێده‌تر دهێته دابینكرن.
ل گۆرى وه‌زاره‌تا باژێڕڤانى و گه‌شتوگۆزارا حكومه‌تا هه‌رێما كوردستانێ كو پشت به‌ستن ل سه‌ر ستانداردێ جیهانى كریه بۆ هه‌ر كه‌سه‌كى نێزیكى 250 لترێن ئاڤێ پێدڤى نه و ل هه‌رێما كوردستانێ ژى ل گۆرى ئامارێن رێڤه‌به‌ریا گشتى یا ئاڤێ ل وه‌زاره‌تێ ئه‌و ئاڤا بۆ وه‌لاتیان دهێته دابینكرن 300 تا 350 لترێن ئاڤێ نه.
هه‌روه‌سا دوپاتكریه، ئه‌ڤێ یه‌كێ خه‌رجى ل سه‌ر حكومه‌‌تێ زێده‌كرینه و بوویه ئه‌گه‌ر ژى ئاڤا ژێر ئه‌رد كێم ببیت، داخواز ژى ژ وه‌لاتیان كر ئاڤێ زێده‌نه‌رێژن و ل گۆرى پێدڤیا خۆ ب كاربینن بۆ وێ یه‌كێ ل پاشه‌رۆژێ مه‌ترسى ل سه‌ر ئاڤێ دروست نه‌بیت و نه‌بیته ئه‌گه‌رێ هشكه‌سالیێ و كێشه‌یا كێمیا ئاڤا ڤه‌خوارنێ سه‌ر هه‌لبده‌ت.
تُتاح هذه الصورة أيضا في: کوردی
