پێله‌كا دى يا تۆزبارينێ دێ کوردستانێ و عێراقێ ڤه‌گرت
باسنيوز:
کەشناسێک پێشبینی دەکات شەپۆلێکی دیکەی خۆڵبارین روو لە هەرێمی کوردستان و عێراق بکات.
بەپێی هەواڵی میدیا عێراقییەکان، حوسێن ئەسەدی، پسپۆڕ و چاودێری کەشناسی رایگەیاندووە: رۆژانی یەکشەممە 10-4-2022 و دووشەممە کەشوهەوا جێگیر دەبێت، هەندێک پەڵەهەور لە ئاسمان دەبێت.
حوسێن ئەسەدی هەروەها رایگەیاندووە: لە ئێوارەی رۆژی دووشەممەدا نزمەپاڵەپەستۆیەکی وشک دەبێتە هۆی دروستبوونی بایەکی بەهێز بۆ سێیەمجار لە ماوەی هەفتەیەکدا.
ئەو کەشناسە ئاماژەی بەوەش کردووە، ئەو نزمە پاڵەپەستۆ وشکە رەنگە ببێتە هۆی هاتنی شەپۆلێکی دیکەی خۆڵبارین لە سووریاوە بۆ ئاسمانی هەرێمی کوردستان و دواتریش ناوچەکانی ناوەڕاست و باشووری عێراق.
تُتاح هذه الصورة أيضا في: کوردی
