سكرتێرا په‌رله‌مانێ كوردستانێ: رازى نابين ده‌ستكارى د كورسيێن كۆتا دا بهێته كرن
گاڤ نيوز
سكرتێرا په‌رله‌مانێ كوردستانێ ئه‌ڤرۆ رۆژا ئێكشه‌مبيێ راگه‌هاند كو پێكهاته‌يێن ئايينى و نه‌ته‌وه‌يى ل هه‌رێما كوردستانێ ل گه‌ل سيسته‌مێ فره‌بازنه‌يى نينن و رازى نابن ده‌ستكارى د كورسيێن كۆتا دا بهێته كرن.
مونا قه‌هوه‌چى ب رێکا مالپەڕێ فەرمی یێ پارتی دیمۆکراتی کوردستان راگەهاند؛ پێكهاته ل هه‌رێما كوردستانێ دژى سيسته‌مێ فره‌بازنه‌يى نه و دێ ل دژ راوه‌ستين.
ديار ژى كر “پێكهاته‌يێن كرستيان و توركمان ل هه‌رێما كوردستانێ هه‌لويستێ خۆ ديار كريه و ئه‌زموونا فره‌بازنه‌يى د هه‌لبژارتنێن پار يێن ئيراقێ دا دياركر كا چەند کارتێکرن ل وان بوو”.
راگه‌هاند ژى؛ فره‌بازنه‌يى بۆ پێكهاته‌يان كاره‌ساته و د هه‌لبژارتنێن بوورى يێن ئيراقێ دا ژ ئه‌گه‌رێ بجهئینانا سیستەمێ فرەبازنەیی کارتێکرنەکا مەزن ل پێکهاتەیێن هەرێما کوردستانێ بوو.
زێده ژى كر: پشتى گۆتگۆتکێن ده‌ستكاريكرنێ د كورسيێن كۆتا دا، پێكهاته‌يان ل هه‌رێما كوردستانێ په‌يام بۆ ئاليێن سياسى هنارتينه.
دەمەکە هه‌مواركرنا ياسايا هه‌لبژارتنان ل هه‌رێمێ و سيسته‌مێ هه‌لبژارتنان بووينه جهێ بگروڤه‌كێشێن مه‌زن د ناڤ ئاليێن سياسى يێن هه‌رێما كوردستانێ دا ژبه‌رى ده‌ستپێكرنا هه‌لبژارتنێن په‌رله‌مانێ هه‌رێما كوردستانێ کو بریارە ل هەیڤا چریا ئێکێ یا ئەڤسالە بهێنە کرن.
تُتاح هذه الصورة أيضا في: کوردی
