بارەگایێ بارزانی رۆھنکرنەک بەلاڤکر
WAAR-دهۆك:
بارەگایێ بارزانی رۆھنکرنەک بەلاڤکر و تێدا ئەو نووچەیە ب نەراست دەرخستن یێن باس ل رێککەفتنا سەرۆک بارزانی و ئەیاد عەلاوی ل دۆر پرسا ماددەیێ سەد وچل دکەن.
بارەگایێ بارزانی د رۆھنکرنەکێ دا دیارکر: چەند کەنالێن راگەھاندنێ باس ل وێ چەندێ کرییە کو دبیت سەرۆک بارزانی د کۆمبوونا دوماھێ لگەل ئەیاد عەلاوی دا رازیبوونا خوە لدۆر دەستکاریکرنا د ماددەیێ سەد و چل و ئەگەرین گھورینا دەستووری نیشانداییە، لێ ئەو چەندە دوورە ژ راستیێ و نووچەیەکێ نەراستە.
دیار ژی کر: سەرۆک بارزانی، قەت ده‌ستبه‌رداری ماف و دەستکەفتێن گەلێ کورد نابیت، د چەندین ھەلکەفتان دا ئەو چەندە راگەھاندییە کو ھەر گھورینەکا دەستووری بھێت کرن، نابیت مافێن رەوا یێن گەلێ کورد و تایبەتمەندییا ھەرێما کوردستانێ کێم بکەن و خەلکێ کوردستانێ باش دزانن کینە ده‌ستبه‌رداری مافان دبن.
تُتاح هذه الصورة أيضا في: کوردی
