پارتی و ئێكهتی لدۆر پارێزگه‌رێ كه‌ركووكێ نێزیكی رێككه‌فتنێ بوون
WAAR-دهۆك:
شاندێن پارتی دیمۆكراتی كوردستان و ئێكه‌تییا نیشتیمانی، ئهڤرۆ ل سلێمانیێ كۆمبوون، پرسا پارێزگه‌رێ كه‌ركووكێ و ئاساییكرنا ره‌وشا وێ پارێزگه‌هێ گۆتوبێژ كرن، كۆمبوون ژی ئه‌رێنی و باش هات ب ناڤ كرن.
شاندێن پارتی و ئێكهتی ئهڤرۆ ل باره‌گه‌هێ مه‌كته‌با سیاسی یا ئێكه‌تیێ ل سلێمانیێ كۆمبوون، ئێكلاكرنا پارێزگه‌رێ كه‌ركووكێ، بله‌زكرنا گاڤێن پێكئینانا حكومه‌تێ هاتن گۆتوبێژ كرن، ئێكه‌تیێ ژی لیستا به‌ربژارێ پۆستا پارێزگه‌ری همبه‌ری پارتی كرن.
پشتی كۆمبوونێ دلشاد شه‌هاب و له‌تیف شێخ عومه‌ر، ئه‌ندامێن شاندێن پارتی و ئێكه‌تیێ، ئه‌نجامێن كۆمبوونێ د پرێسكۆنفرانسه‌كی دا ئاشكرا كرن.
دلشاد شه‌هاب راگه‌هاند؛ كۆمبوونا ئهڤرۆ یا دگه‌ل ئێكه‌تیێ ئه‌رێنی و باش بوو و وان وه‌ك یه‌ك تیم، به‌حسا گرفتا كه‌ركووكێ و ناڤكرنا پارێزگه‌رێ وێ كر.
هه‌روه‌ها دیاركر، پارێزگه‌رێ نوو یێ كه‌ركووكێ، نوونه‌راتییا پارتی و ئێكه‌تیێ ب تنێ ناكه‌ت، به‌لكو دێ به‌ربژارێ لیستا برایه‌تی و ته‌ڤاهییا پێكهاته‌یێن وی باژاری بیت و گۆت: پارتی و ئێكهتی نێزیكی رێككه‌فتنێ بووینه.
ژ ئالیێ خوه ڤه، له‌تیف شێخ عومه‌ر، ئه‌ندامێ شاندا ئێكه‌تیێ، كۆمبوون ب ئه‌رێنی ب ناڤ كر و گۆت: پرسا پارێزگه‌رێ كه‌ركووكێ به‌ر ب چاره‌بوونێ یه، كابینه‌یا نوو یا حكومه‌تێ ژی، دێ ل ده‌ما خوه یا دیاركری هێت پێكئینان.
د داوی كۆمبوونا پارتی و ئێكه‌تیێ دا كو ل حه‌فتییا بۆری ل هه‌ولێرێ هاتبوو كرن، لژنه‌یه‌ك بۆ چاره‌كرنا پرسا پارێزگه‌رێ كه‌ركووكێ هاتبوو پێكئینان.
له‌میا ره‌سوول په‌یامنێرا وار ل سلێمانیێ راگه‌هاند؛ ئه‌نجامێن كۆمبوونا ئهڤرۆ یا شاندێن پارتی و ئێكهتی دێ بۆ مه‌كته‌بێن سیاسی یێن هه‌ردو حزبان هێن ئاراسته كرن داكو بریار ل سه‌ر بهێت دان.
تُتاح هذه الصورة أيضا في: کوردی
