شۆفێرییا ته‌كسیێ ل هێزێن ناڤخوه هات قه‌ده‌غه‌كرن
WAAR-دهۆك:
ب بریارا وه‌زیرێ ناڤخوه یێ حكومه‌تا هه‌رێما كوردستانێ، شوفێرییا ته‌كسیێ ل هه‌موو كارمه‌ندێن هێزێن ئاساییشا ناڤخوه و هه‌موو هێزێن چه‌كدارێن سه‌ر ب حكومه‌تا هه‌رێمێ ڤه هات قه‌ده‌غه‌كرن.
ل گۆره‌ی نڤیساره‌كا وه‌زاره‌تا ناڤخوه یا حكومه‌تا هه‌رێمێ، كو ئیمزایا كه‌ریم شنگالی، وه‌زیرێ ناڤخوه ل سه‌ره، شۆفێرییا ته‌كسیێ بۆ هه‌موو كارمه‌ندێن ئاساییشا ناڤخوه، كو هێزێن ئاساییش، پۆلیس، زێره‌ڤانی، به‌رگری و فریاكه‌وتن، هاتنوچوون، ره‌گه‌زنامه، پۆلیسێن گۆمركی و زێره‌ڤانێن سنۆری بخوه ڤه دگرن، ل گه‌ل هێزێن پێشمه‌رگه‌ی و هه‌موو هێزێن چه‌كدارێن سه‌ر ب حكومه‌تا هه‌رێمێ و حكومه‌تا ئیراقێ ڤه هات قه‌ده‌غه‌كرن.
هه‌روه‌ها دیار كرییه، شۆفێرییا ته‌كسیێ ل كارمه‌ندێن فه‌رمانگه‌ها په‌یوه‌ندیێن ده‌رڤه ژی هات قه‌ده‌غه‌كرن، لێ ژبۆ وان كارمه‌ندێن فه‌رمانگه‌هێن شارستانی دروسته یێن پله‌یا وان یا وه‌زیفی دبن پله‌یا 7 دابیت، ب مه‌رجه‌كی كو رازیبوونا فه‌رمانگه‌ها خوه وه‌ربگریت و سالانه وێ رازیبوونێ نوو بكه‌ت.
تُتاح هذه الصورة أيضا في: کوردی
