حكومه‌تا هه‌رێمێ په‌یامه‌ك د بیره‌وه‌رییا بۆمبه‌بارانكرنا قه‌لادزێ دا به‌لاڤكر
WAAR-دهۆك:
جڤاتا وه‌زیرێن هه‌رێما كوردستانێ په‌یامه‌ك د بیره‌وه‌رییا 44 سالییا بۆمبه‌بارانكرنا قه‌لادزێ و زانكۆیا سلێمانیێ دا به‌لاڤكر و راگه‌هاند؛ رژێما به‌عس ب نیاز بوو گه‌لێ كوردستانێ ژناڤببه‌ت، لێ داویێ رژێم ژناڤچوو.
د په‌یاما خوه دا جڤاتا وه‌زیرێن هه‌رێما كوردستانێ دیاركر، رژێما به‌عسا ژناڤچوویی به‌رییا 44 سالان و د رۆژه‌كا وه‌ك ئه‌ڤرۆ دا، ره‌شترین كه‌رب و كینا خوه ب سه‌ر قه‌لادزێ دا باراند و ب ده‌هان كه‌س شه‌هید و بریندار كرن و خواست باژار و ئیراده‌یا گه‌لێ كوردستانی ژناڤببه‌ت، لێ داویێ رژێم بخوه ژناڤچوو و خه‌لكێ كوردستانێ سه‌ربلند ما و ئیراده و خوراگری و شارستانیه‌ت و ئاڤاكرن و ژیاندوستییا كوردستانییان هه‌رما و پێشكه‌ڤت.
حكومه‌تا هه‌رێمی دیار ژی كرییه، ژناڤبرنا شوونوارێن سیاسه‌تا وێرانكرن و سووتنا كوردستانێ ژ ئالیێ رژێما به‌عس و ئاڤه‌دانكرن و پێشخستنا هه‌موو بوارێن ژیانا گه‌لێ كوردستانێ ژ كارێن ده‌ستپێكی یێن حكومه‌تێ نه.
تُتاح هذه الصورة أيضا في: کوردی
