كۆمسیۆنا هه‌لبژارتنان: ئه‌نجام دێ پشتی چه‌ند ده‌مژمێران ژ داخستنا سندۆقان هێنه راگه‌هاندن
WAAR-دهۆك:
سه‌رۆكێ بازنه‌یا هه‌لبژارتنان د كۆمسیۆنا بلند یا سه‌ربخوه‌یا هه‌لبژارتنان دا راگه‌هاند: ئه‌نجامێن هه‌لبژارتنان پشتی چه‌ند ده‌مژمێران ژ داخستنا سندۆقێن ده‌نگدانێ، دێ هێنه راگه‌هاندن.
ریاز به‌دران، د هه‌ڤدیتنه‌كا رویته‌رز دا ئاشكه‌را كر: سیسته‌مێ نوو یێ هه‌لبژارتنان دێ سه‌خته‌كاریێ ب رێژه‌یه‌كا مه‌زن د هه‌لبژارتنان دا كێم كه‌ت و ئه‌نجامێن هه‌لبژارتنان دێ پشتی چه‌ند ده‌مژمێران ژ داخستنا سندۆقێن ده‌نگدانێ هێنه راگه‌هاندن، نه وه‌ك به‌راهیكێ كو پشتی چه‌ند رۆژان دهاتنه راگه‌هاندن.
لدۆر سیسته‌مێ ئه‌لكترۆنی یێ ده‌نگدانێ ژی، سه‌رۆكێ بازنه‌یا هه‌لبژارتنان د كۆمسیۆنێ دا، دیاركر: حكومه‌تا ئیراقێ گرێبه‌سته‌ك ب سه‌د و سیهـ و پێنج ملیۆن دۆلاران دگه‌ل كۆمپانیا میرۆ سیسته‌مز یا كۆری ل هه‌مبه‌ر وی سیسته‌می ئیمزاكرییه و نێزیكی حه‌فتێ هزار ئامیران ل سه‌رتاسه‌ری ئیراقێ بخوه‌ڤه دگریت.
جهێ ئاماژه‌پێكرنێ یه كو هه‌لبژارتنێن مه‌ها بهێت یێن جڤاتا نوونه‌ران دێ چواره‌مین هه‌لبژارتن بن پشتی رۆخیانا رژێما به‌عس ل سالا 2003ێ و لگۆره‌ی داتایێن كۆمسیۆنێ ژ سه‌رجه‌مێ سیهـ و حه‌فت ملیۆنێن خه‌لكێ ئیراقێ، بیست و چار ملیۆنان مافێ ده‌نگدانێ هه‌یه.
تُتاح هذه الصورة أيضا في: کوردی
