فازل میرانی: دگه‌ل جبۆری دا رێككه‌فتین كو ریفراندۆم مافێ هه‌موو گه‌لانه
WAAR-دهۆك:
شاندا هه‌ڤپشكا پارتی و ئێكه‌تیێ، دانوستاندنێن سه‌رخوه‌بوونێ دگه‌ل به‌رپرسێن ئیراقی ده‌ستپێكرن، ئه‌ندامه‌كێ شاندا هه‌ڤپشك ژی ل به‌غدا راگه‌هاند؛ بلندكرنا ئالا كوردستانێ بریاره‌كا حه‌تمی یا جڤاتا پارێزگه‌ها كه‌ركووكێ یه و ئالا ل وی باژاری ناهێته خوار.
ئه‌ڤرۆ سپێدێ شاندا هه‌ڤپشكا پارتی و ئێكه‌تی كو ژ فازل میرانی، عه‌دنان مفتی و دكتور فوئاد حسێن، سه‌رۆكێ دیوانا سه‌رۆكاتییا هه‌رێمێ وه‌كو نوونه‌رێ بارزانی پێكهاتییه، ب مه‌ره‌ما گۆتوبێژكرنا ریفراندۆما سه‌رخوه‌بوونا هه‌رێمێ و بلندكرنا ئالایێ كوردستانێ ل كه‌ركووكێ، سه‌ره‌دانا به‌غدا كرن و دگه‌ل فوئاد مه‌عسووم سه‌رۆككۆمارێ ئیراقێ و سه‌لیم جبۆری سه‌رۆكێ جڤاتا نوونه‌ران و ره‌وتا سه‌دری كۆمبوون و نها ژی دگه‌ل حه‌یده‌ر عه‌بادی سه‌رۆكوه‌زیرێن ئیراقێ د كۆمبوونێ دانه.
پشتی كۆمبوونا دگه‌ل سه‌لیم جبۆری، فازل میرانی سكرتێرێ مه‌كته‌با سیاسی یا پارتی گۆت: دگه‌ل جبۆری باسێ ریفراندۆمێ هاتیه كرن و هه‌ردو ئالی رێككه‌ڤتن كو ریفراندۆم مافێ هه‌موو گه‌لانه.
ژ ئالیێ خوه‌ڤه عه‌دنان موفتی د پرێس كۆنفرانسێ هه‌ڤپشكێ دگه‌ل ره‌وتا سه‌دری دا گۆت: ب هووری باس ل ریفراندۆما هه‌رێمێ هاته كرن و ده‌رباره‌یی ئالای ژی، بلندكرنا ئالا كوردستانێ بریاره‌كا حه‌تمی یا جڤاتا پارێزگه‌ها كه‌ركووكێ یه و ئالا ل وی باژاری ناهێته خوار.
ل گۆری زانیارییان، شاندا هه‌ڤپشك تا سوبه دێ به‌غدا مینیت و بریاره دگه‌ل عه‌مار حه‌كیم سه‌رۆكێ هه‌ڤپه‌یمانیا شیعی و ژماره‌یه‌كا ئالییێن دی یێن سیاسی كۆمببیت.
تُتاح هذه الصورة أيضا في: کوردی
