ئاگه‌هداریه‌ك بۆ قوتابیێن 12 ئاماده‌ی
ئه‌ڤرۆ نیوز:
وه‌زاره‌تا خواندنا بلند و ڤه‌كولینێن زانستی داخواز ژ قوتابیێن ده‌رچوویێن 12 ئاماده‌ی دكه‌ت كو سه‌ره‌دانا مالپه‌رێ “زانكۆلاین” بكه‌ن بۆ پشت راستبوون ژ دروستیا نمرێن خوه.
د وێ ده‌رباره‌ی دا، عه‌باس ئه‌كره‌م، ئاخفتنكه‌رێ ب ناڤێ وه‌زاره‌تا خواندنا بلند و ڤه‌كولینێن زانستی راگه‌هاند: ئه‌ڤ ساله جوداهی یا ل گه‌ل سالێن بۆری هه‌ی، د پێناڤی كاراكرنا پرۆسا زانكۆلاین و ڤه‌گه‌ریانا ناڤێن قوتابیان ل زانكۆیێن هه‌رێما كوردستانێ، “وه‌زاره‌تا مه ئاگه‌هداریا ده‌رچوویێن قووناغا 12 ئاماده‌ی دكه‌ت بۆ پشتراستبوون ژ نمرێن خوه یێن پۆلا 12ی و هه‌ژمارتنا نمرێن قووناغێن 10 و 11ێ ل گه‌ل وان ژ ئه‌ڤرۆ رێكه‌قتی 18ی ته‌باخا 2016ێ دشێن سه‌ره‌دانا وێبسایتێ زانكۆ لاین ب ناڤونیشانێن regayzanko.com بکەن”.
دا زانین ژی كو هه‌ر كه‌سێ خه‌له‌تیه‌ك د نمرێن وی/ وێ دا هه‌بیت پێدڤیه سه‌ره‌دانا رێڤه‌به‌ریا گشتیا ئه‌زموونان ل وه‌زاره‌تا په‌روه‌ردێ بكه‌ت بۆ دروستكرنا خه‌له‌تیێن هه‌ین و سه‌ره‌دانا وه‌زاره‌تا خواندنا بلند و ڤه‌كولینێن زانستی نه‌كه‌ن.
گۆتژی: “قوتابی دشێن ب رێیا نمرێن خوه بچنه ناڤ سیسته‌مێ زانكۆلاین بۆ پشت راستبوون ژ سه‌رجه‌مێ خوه یێ دووماهیێ”، ئاشكه‌را ژی كر كو ئه‌ڤێ چه‌ندێ چو په‌یوه‌ندی ب وه‌رگرتنا قوتابیان ل زانكۆ و په‌یمانگه‌هان نینه‌كا دێ ل چ پشك هێنه وه‌رگرتن.
تُتاح هذه الصورة أيضا في: کوردی
