حه‌یده‌ر عه‌بادی دخوازیت سزایێ سێداره‌دانێ نه‌هێته گیرۆكرن
وار
سه‌رۆك وه‌زیرێن ئيراقێ حه‌یده‌ر عه‌بادی خواست سزایێ سێداره‌دانێ لسه‌ر وان كه‌سان یێن سزا لسه‌ر هاتییه سه‌پاندن، ب له‌ز بهێته بجهئیانان و نه‌هێته گیرۆكرن.
په‌یڤدارێ حكومه‌تا ئیراقێ سه‌عد حه‌دیسی ژ زارێ حه‌یده‌ر عه‌بادی راگه‌هاند، دڤێت سزایێ سێداره‌دانێ ب زووترین ده‌م لسه‌ر كه‌سێن سزا ژلایێ ده‌ستهه‌لاتا دادوه‌ریڤه بۆ ده‌رچۆی بهێته بجهئینان.
عه‌بادی خواست ژی، لیژنه‌یه‌ك ژ ئه‌میندارییا جڤاتا وه‌زیرێن ئیراقێ، جڤاتا بلند یا دادوه‌ری، سه‌رۆكاتییا كۆمارێ و وه‌زاره‌تا داد بهێته پێكئینان، و دۆسیه‌یا وان كه‌سان یه‌كلا بكه‌ت كو سزایێ سێداره‌دانێ بۆ ده‌رچۆیه. بۆ وێ یه‌كێ تاوانبار بله‌ز ب سزیاێ خوه بگه‌هن.
عه‌بادی دیاركرییه ژی، بله‌ز بجهئینانا سزایێ سێداره‌دانێ په‌یامه‌كه بۆ پشتڕاستكرنا جاده‌یا ئیراقێ كو تاوانبار دڤێت بگه‌هنه سزایێ خوه، هه‌روه‌سا په‌یامه‌كه بۆ تاوانباران، ئه‌گه‌ر وه‌سا هزر بكه‌ن، ل همبه‌ر تاوانێن خوه ناهێنه سێداره‌دان.
تُتاح هذه الصورة أيضا في: کوردی
