جڤاتا پارێزگه‌ها نه‌ینه‌وا دێ ڤان داخوازیان ژ عه‌بادی كه‌ت
ئه‌ڤرۆ نیوز:
كۆمبوونا جڤاتا پارێزگه‌ها مووسل ب ئاماده‌بوونا پاریزگه‌هارێ نه‌ینه‌وا و سه‌رۆك و ئه‌ندامێن جڤاتێ ئه‌ڤرۆ سپێدێ برێڤه‌چوو و بڕیار هاته دان كو چه‌ند راسپارده‌یه‌كا وه‌كو داخوازی سوبه‌هی بده‌نه ده‌ست سه‌رۆك وه‌زیرێن عیراقێ.
هنارتیێ ئه‌ڤرۆ نیوز ل ئه‌لقۆش ره‌وان نهێلی بۆ گۆت: “سپێده‌هیا ئه‌ڤرۆ رۆژا ئێكشه‌مبی كۆمبوونا جڤاتا پارێزگه‌ها نه‌ینه‌وا ب ئاماده‌بوونا پارێزگارێ وێ نوفه‌ل حه‌مادی و سه‌رۆك و ئه‌ندامێن جڤاتێ هاته كرن”.
زێده‌تر گۆت: “د وێ كۆمبوونێ دا بڕیار هاته دان چه‌ند راسپارده بهێنه به‌رهه‌ڤكرن و سوبه‌هی د روونشتنا خوه دا ل گه‌ل سه‌رۆك وه‌زیرێن عیراقێ حه‌یده‌ر عه‌بادی بگه‌هیننه ده‌ستی”.
دا زانین ژی كو گرنگترین ئه‌و راسپارده ژی ئه‌ون كو هه‌ردو باژێركێن شرگات و حه‌وێجه زوو بهێنه رزگاركرن دا كو ده‌ما وه‌لاتیێن ناڤا مووسل ئاواره دبن ل كه‌مپان ل وێرێ بهێنه ئاكنجیكرن، دیسا كانێ پشتی رزگاركرنا وی باژێری ژ لایێ ئه‌منی ڤه دێ كی و چاوان ب رێڤه به‌ن.
دیسا ژی بزاڤ بهێته كرن ئاڤاهیێن حكومی ل شنگال ژ ده‌ستێن حزبان بهێنه ده‌ر دا كو رێڤه‌به‌ریێن حكومی بشێن كارێن خوه تێڤه ئه‌نجام بده‌ن، پشتی كه‌فتنا باژێرێ مووسل ژی بڕیار هاتبوو دان هه‌موو ئه‌و كه‌سێن سه‌ر ب وه‌زاره‌تا ناڤخۆ یا عیراقێ ڤه پێدڤیه ل په‌یوه‌ندیێ ب سه‌ربازگه‌ها دوبه‌ردان بكه‌ن هه‌كه دێ ژ كارێ وان هێنه لادان، جڤاتێ خواستیه كو لێبۆرینا گشتی بۆ وان كه‌سان بهێته دان یێن په‌یوه‌ندی ب وێ سه‌ربازگه‌هێ نه‌كری ب گۆره‌ی گۆتنێن ره‌وان نهێلی.
تُتاح هذه الصورة أيضا في: کوردی
