سلێمانی.. تەقە ل بارەگەھێ سەرکردایەتییا پارتی ھاتە کرن
وار
پەیڤدارێ ئەنجوومەنێ سەرکردایەتییا پارتیا دیمۆکراتا کوردستانێ ل سلێمانیێ راگەھاند: چەکدارەکی د ناڤ ترۆمبێلەکێ دا تەقە ل بارەگەھێ وان کر و رەڤیە، ژ ئەنجامێ وێ تەقێ ژی پاسەوانەک بریندار بوویە.
فارس نەورۆلی، پەیڤدارێ سەرکردایەتییا پارتی ل سلێمانیێ و ھەلەبجە، ئاشکرا کر، تەقەکەری ل سایدێ بەرامبەر بارەگەھێ سەرکردایەتییا پارتی، ل دەمژمێر دوازدە شەڤێ تەقە ل بارەگەھێ وان کریە و رەڤییە.
بارەگەھێ سەرکردایەتییا پارتی دکەڤیتە سەر رێکا سلێمانی – کەرکووک ل تاخا راپەڕین ل باژارێ سلێمانیێ، وی چەکداری ژی ترۆمبێلەکا رەش د گەل دا بوو و بەر ب کەرکووکێ رەڤیە.
نەورۆلی ئاشکر ژی کر، ژ بەر جەژنا رەمەزانێ ئەو جادە ل وی دەمی قەرەبالغ بوو، لەورا پاسەوانێن وان بەرسڤا تەقەیا وی نەدایە.
پارتی چو ئالی ژی ل سەر وێ تەقەیێ تۆمەتبار نەکرینە، ئەڤە جارا ئێکێ ژی نینە تەقە ل بارەگەھێ پارتی ل سلێمانیێ دھێتە کرن.
نەورۆلی داخواز ژی کر، ھەمی ئالیێن سیاسی و حکومی ھەڤکاربن دا رەوشا نھا یا ھەرێمێ نەھێتە تێکدان.
تُتاح هذه الصورة أيضا في: کوردی
