بارزانی د گەل نوونەرێن گوندێن ئازادکری یێن کاکەیان دا کۆم بوو
وار
سەرۆکێ ھەرێما کوردستانێ پشتەڤانییا خوە بۆ کەسایەتی و نوونەرێن گوندێن ئازادکریێن کاکەیان دوپاتکر بۆ ھندێ ب ئازادی ڤەگەرنە دەڤەر و گوندێن خوە.
مەسعوود بارزانی سەرۆکێ ھەرێما کوردستانێ ئەڤرۆ پێشوازی ل نوونەر و کەسایەتیێن گوندێن رزگارکریێن کاکەیان ل سنۆرێ خازری کر.
دڤێ ھەڤدیتنێ دا نوونەرێن کاکەیان داخواز کر دەڤەرێن وان ژ مین و تەقەمەنیان و پاشماوێن تیرۆرستێن داعشێ بھێنە پاقژکرن و خزمەتگوزاری بگەھنە دەڤەرێن وان.
سەرۆکێ ھەرێما کوردستانێ ژی وەلاتیێن کاکەیان پشتراستکرن، کو ھەموو دەڤەرێن ل ژێر دەستێ تیرۆرستان دێ ھێنە رزگارکرن و دوپاتکر ئەو پشتەڤانێ داخوازیێن وانە بۆ ھندێ ب ئازادی ڤەگەرنە دەڤەر و گوندێن خوە.
تُتاح هذه الصورة أيضا في: کوردی
