دھۆک بەرھەڤیێن ھاتنا ٣٠ ھزار گەشتیاران دکەت
تۆرا لالش يا راگه‌هاندنێ
رێڤەبەرێ گشتیێ گەشت و گوزارێ ل پارێزگەھا دھۆکێ دیارکر، پلانەکا مەزن بۆ رۆژانێن جەژنا رەمەزانا پێروز ھاتیە دارشتن، رێژا ٥٠% ھاتنا گەشتیاران بۆ دھۆکێ ئەڤ سالە دێ زێدەبیت، پێشبینی دھێتە کرن ٣٠ ھزار گەشتیار قەستا دھۆکێ بکەن.
عوبەیدوللا داوود، رێڤەبەرێ گشتیێ گەشت و گوزارێ ل پارێزگەھا دھۆکێ بۆ (باسنیوز) دیارکر، ئەڤ بەرھەڤیێن مەزن بۆ پێشوازیا گەشتیاران یێن ھاتینە کرن ل خالا سنۆری ئیبراھیم خەلیل و خالا ئالوکا و قەندیل و چەندین جە و دەڤەرێن گەشتیاری و ١٥ لژنە یێن ھاتێنە پێک ئینان بۆ پێشوازیا گەشتیاران، ھەموو جھێن گەشت و گوزارێ یێن ھاتێنە ھایدار کرن رۆژانێن جەژنا رەمەزانا پیروز دەرگەھی خوە قفل نەکەن ٢٤ دەمژمیران د ڤەکری بن، داشکاندن دی خۆارن و ڤەخوارنێن جھێن گوزارێ دا ھەبیت.
زێدەتر گۆت: ” ریکەڤتن دگەل کومپانیان یێن ھاتینە کرن گەشتیاران ژ پارێزگەھێن ناڤەراست و ژێریا عیراقێ بینن ئەڤ سالە ئەم پێشبینی دکەن رێژەکا زۆر گەشتیاران سەرا دھۆکێ بدەن ژبەر ئارامیا ل دەڤەری ھەی و ھەبوونا دیمەنین جوان و سروشتی جوان دەڤەری و سەرەدەریا باش خەلکێ دھۆکێ دگەل گەشتیاران”.
رێڤەبەرێ گشتیێ گەشت و گوزارێ ل دھۆکێ ئاشکرا کر پلانا رۆژانێن جەژنا رەمەزانا پیروز دێ ٥/٧ دەست پێ کەت ھەتا رۆژا ١٠/٧ رۆژانا دێ ئامارێن دروست ھێنە وەرگرتن سالە بۆری ٢٠١٥ ل جەژنا رەمەزانا پیروز ١٦ ھزار گەشتیاران قەستا دھۆکێ کربوون ئەڤ سالە ئەم پێشبینی دکەن رێژا ٥٠% ھاتنا گەشتیاران بۆ دھۆکێ زێدە ببیت.
تُتاح هذه الصورة أيضا في: کوردی
