جه‌عفه‌ر ئێمینكی: لسه‌ر خواسته‌یا خوه وه‌ك په‌یڤدارێ پارتی نه‌مام
وار
جه‌عفه‌ر ئێمینكی جێگرێ سه‌رۆكێ په‌رله‌مانێ كوردستانێ و ئه‌ندامێ مه‌كته‌با سیاسییا پارتی، روونكرنه‌ك به‌لاڤكر و تێدا ئاماژه كرییه، لادانا وی ل سه‌ر پۆستێ په‌یڤدارییا پارتی، ل سه‌ر خواستا وی بوویه.
د روونكرنێ دا، نڤێسینگه‌ها راگه‌هاندنێ یا جه‌عفه‌ر ئێمینكی به‌لاڤكرییه كو هه‌ر ژ مه‌ها یازده یا سالا بۆری، ئێمینكی ب نڤیسین داخواز ژ مه‌كته‌با سیاسی یا پارتی كرییه، كه‌سه‌كی وه‌كو په‌یڤداری فه‌رمی یێ حزبێ ل جهێ وی ده‌ستنیشان بكه‌ن و به‌ریا وی ده‌می ژی، چه‌ندین جاران ب شێوێ زاره‌كی داخوازا ده‌ستبه‌رداربوونێ ژ وی پۆستی كرییه.
دایه زانین ژی كو ژبه‌ر ئه‌گه‌ره‌كان، دانا په‌یڤداره‌كێ نوو بۆ مه‌كته‌با سیاسی یا پارتی پاشكه‌ڤت و چ ئه‌گه‌رێن دی ل پشت لادانا وی ژ وی پۆستی نه‌بووینه.
ئه‌ڤه د ده‌مه‌كی دایه، دوهی مالپه‌رێ فه‌رمی یێ پارتی به‌لاڤكر كو مه‌حموود محه‌مه‌د، به‌رپرسێ راگه‌هاندنا پارتی، وه‌كو په‌یڤدارێ فه‌رمی یی حزبێ هاتییه دانان.
تُتاح هذه الصورة أيضا في: کوردی
