په‌ڕله‌مانێ بریتانییا و ئێكه‌تییا ئه‌ورۆپا جودا دێ ل دۆر راپرسییا بریتانییا كۆمبن
وار
دهێته چاڤه‌ڕێكرن، په‌ڕله‌مانێ بریتانییا دو شه‌مبا بهێت كۆمببیت و تێدا گوتوبێژێ ل دۆر وه‌رگرتنا رێكاران بۆ جودابوونێ ژ ئێكه‌تییا ئه‌ورۆپا بكه‌ت، پشتی ده‌یڤێد كامیرۆن، سه‌رۆكوه‌زیرێن وی وه‌لاتی ژی ده‌ست ژ كاركێشایی، بۆریس جۆنسۆن كو سیاسییه‌كێ وی وه‌لاتی یه، ببیته به‌ربژار بۆ سه‌رۆكوه‌زیریێ، تا نها نه‌هاتییه ئاشكراكرن، كی به‌ربژاره، لێ چاڤه‌رێ دهێته‌كرن زێده‌تربن ژ دو كه‌سان.
هه‌ر ل دۆر جودابوونێ، ئه‌ڤرۆ فرانك ڤالته‌ر شتاینمایر، وه‌زیرێ ده‌رڤه‌یێ ئه‌لمانیا راگه‌هاند؛ ب زووترین ده‌م وه‌لاتێن ئه‌ندام د ئێكه‌تیێ دا دێ كۆمبن، هه‌روه‌سا دوپاتكر ژی جودابوونا بریتانییا ژ ئێكه‌تیێ چو كارتێكرن ل وه‌لاتێن دی ناهێته‌كرن.
فرانك ڤالته‌ر شتاینمایر
گۆتنێن شتاینمایر د ده‌مه‌كی دانه، ل گۆری راپرسییا سه‌نته‌ر پیتر هایك یێ ستراتیژی بۆ دیتنان، 40%ێ یا وه‌لاتیێن نه‌مسا ژی داخوازن راپرسی بۆ جودابوونێ ژ ئێكه‌تییا ئه‌ورۆپا بهێته‌كرن،
پێشتر هه‌ر ئێك ژ وه‌لاتێن ئیتالییا، فره‌نسا، ئه‌لمانییا، سۆێد و هه‌روه‌سا هۆله‌ندا و كۆمارا چیك و مه‌جه‌ر هۆشداری دابوون، ئه‌گه‌ر راپرسییا بریتانییا بۆ جودابوونێ سه‌رنه‌گرت، دڤێت ئێكه‌تییا ئه‌ورۆپا بڕیارا دوورخستنا وێ بده‌ت، لێ نها دیتنا وه‌لاتیێن وان وه‌لاتان ژی هاتییه گوهۆڕین و گومانا راپرسییان هه‌یه.
Perlemanewropaaa
ل هۆله‌ندا سه‌ركرده‌یێ دژی كۆچبه‌ری و ئیسلامێ، خێرت فیدلرز داخواز كر هۆله‌ندا ژی گشتپرسیێ بۆ جودابوونێ بكه‌ت، ئه‌گه‌ر ل هه‌لبژارتنێن بهێت سه‌رۆكوه‌زیر هاته گوهۆڕێن بێ گومان گه‌لێ هۆله‌ندا ژی دێ راپرسیێ كه‌ت.
ل فره‌نسا ژی دهێته چاڤه‌ڕێكرن پشتی گه‌ڕا دووێ یا هه‌لبژارتنێن سه‌رۆكوه‌زیرێ بهێته‌كرن و پارتا دژی كۆچبه‌ری و ئیسلامێ سه‌ركه‌ڤتن ئینا، ئه‌و ژی داخوازا راپرسیێ بۆ جودابوونێ بكه‌ن،
لێ تا نها ئه‌لمانییا رژده ل سه‌ر مانا خوه، لگۆری راپرسییان ژی گه‌له‌ك ژ وه‌لاتیێن ئه‌لمانییا دژی سیاسه‌تا ئه‌نگیلا مێركلن ل هه‌مبه‌ری كۆچبه‌ران و ب ئه‌گه‌ره‌كێ سه‌ره‌كی ژی ناڤ دكه‌ن، ئه‌گه‌ر رۆژه‌كێ ئه‌و داخوازا جودابوونێ بكه‌ن، دێ ژ به‌ر ره‌فتار و هه‌لوه‌ستێن مێركلێ و كه‌سێن پشته‌ڤانییا وێ دكه‌ن بیت.
رۆژانه دیتنا مرۆڤان دهێته گوهۆڕین و نه‌دووره گه‌له‌ك ژ وه‌لاتێن ئه‌ندام د ئێكه‌تییا ئه‌ورۆپا دا پشتی چه‌ند ساله‌كێن كێم، راپرسییان بكه‌ن و داخوازا جودابوونێ بكه‌ن، ئه‌ڤه ژی دێ بیته ئه‌گه‌ره‌كێ سه‌ره‌كی و پێشبینی كر كو مه‌ترسییه‌كا مه‌زن ب كه‌ڤیته ئه‌ورۆپا و ژ به‌ر ئێك چۆنا وێ و هه‌لوه‌شاندنا ده‌ڤه‌را یۆرۆ و شنگن و ئێكه‌تییا ئه‌ورۆپا.
تُتاح هذه الصورة أيضا في: کوردی
