رێ ل خه‌لكێ چ گۆندێن ده‌وروبه‌رێن مووسل نه‌هاتیه گرتن ڤه‌گه‌رنه ده‌ڤه‌رێن خوه
ئه‌ڤرۆ نیوز:
سۆپاسالارێ هێزێن پێشمه‌رگێ كوردستانێ ره‌ت دكه‌ت كو هێزێن پێشمه‌رگێ كوردستانێ رێ ل خه‌لكێ وان گۆندێن رزگاركری گرت بیت ڤه‌گه‌رنه گوندێن خوه.
فه‌ریق جه‌مال محه‌مه‌د سۆپاسالارێ هێزێن پێشمه‌رگێ كوردستانێ بۆ K24 راگه‌هاند كو چو بڕیار ژ لایێ سه‌ركرداتیا هه‌رێما كوردستانێ ڤه نه‌هاتینه دان كو رێ ل خه‌لكێ ده‌وروبه‌رێن مووسل و گۆندێن رزگاركری یێن پارێزگه‌ها مووسل بگریت هه‌تا ڤه‌گه‌رنه سه‌ر مال و حالێن خوه و دژی وێ چه‌ندێ نه كاره‌كێ ژ وی ره‌نگی بهێته كرن.
ئه‌ڤرۆ ئه‌ندامه‌كێ جڤاتا پارێزگه‌ها نه‌ینه‌وا و فه‌رماندێ هێزێن نه‌وادر یێ سه‌ر ب حه‌شه‌د شه‌عبی ڤه عه‌بدولره‌حیم شه‌مه‌ری بۆ میدیایێن ناڤخۆی یێن عیراقی راگه‌هاند كو هێزێن پێشمه‌رگه‌ی رێ ناده‌ن خه‌لكێ ئه‌وان گۆند و ده‌ڤه‌رێن پارێزگه‌ها نه‌ینه‌وا ڤه‌گه‌رنه جهێن خوه كو هێزێن پێشمه‌رگه‌ی ب هاریكاریا هه‌ڤپه‌یمانێن نێڤده‌وله‌تی كۆنترۆلكرینه.
تُتاح هذه الصورة أيضا في: کوردی
