ھۆزێن ئەرەبێن نەینەوا دخوازن پێشمەرگە پشکداریا شەرێ مووسلێ بکەن
وار
ھۆزێن ئەرەبێن پارێزگەھا نەینەوا رادگه‌هینن، ئه‌و دخوازن ھێزێن پێشمەرگەی پشکداریێ د شەڕێ رزگارکرنا مووسلێ دا بکەن.
شێخ موزاحم ئەلحوەیت، پەیڤدارێ ب ناڤێ جڤاتا ھۆزێن ئەرەبی ل پارێزگەھا نەینەوا بۆ شەرقولئەوسەت راگەهاندییە، دگەل دەستپێکرنا ئۆپەراسیۆنا رزگارکرنا مووسلێ، خه‌لكێ مووسلێ بەرھەڤه سەرھلدانەکێ ل دژی داعشێ بكه‌ت.
خوەیاژیکر، ھۆزێن ئەرەبێن نەینەوا، ره‌ت دكه‌ن میلیشیایێن شیعە ئەوێن ئیرانێ دامەزراندین د رزگارکرنا مووسلێ دا به‌شدار ببن.
پەیڤدارێ ھۆزێن نەینەوا ئاماژە كر،کو داخوازییا سەرەکییا وەلاتیێن نەینەوا، پشکدارییا ھێزێن پێشمەرگەیە د شەرێ مووسلێ دا.
ھەروەھا شێخ سائر عەبدولکەریم وەتبان، کو ئێک ژ شێخێن شه‌ممەرانە راگەھاند، نھا چاردە ھزار چەکدارێن جڤاتا ھۆزێن ئەرەبی ژ ئالیێ پێشمەرگە و ھەڤپەیمانان ڤە ھاتینە مەشقدان، بۆ شەرێ رزگارکرنا مووسلێ ژی بەرھەڤن.
تُتاح هذه الصورة أيضا في: کوردی
