رێڤەبەریا بەرهنگاریا توندوتیژیا دژی ئافرەتان ل دهۆکێ: تەرمێ ژنەکێ هاتە دیتن
ئێن ئارتى
رێڤەبەریا بەرهنگاریا توندوتیژیا دژی ئافرەتان ل دهوکێ ڕاگەهاند، تەڕمێ ژنەکا ٣٤ ساڵی ل گوندێ ئەتروش یێ سنورێ پارێزگەها دهۆکێ هاتیە دیتن.
رائید ئارام محەمەد رێڤەبەرێ رێڤەبەریا بەرهنگاریا توندوتیژیا دژی ئافرەتان ل دهوکێ د کونگرەیەکێ روژنامەڤانی دا ڕاگەهاند، لاشێ ژنەکا ٣٤ سالی کو ئاکنجیا باژێرێ هەولێرێ بوویە ل ڕۆژا چارشەمبیا دەربازبوویی رێکەفتی ٢٠١٦/٦/١٥ێ ل گوندێ ئەتروش هاتیە دیتن.
هەروەسا دەربارێ چاوانیا ریدانێ ناڤبری ڕاگەهاند “دەما کو گەنجەکێ خوجهێ ناحیا قەسروکێ کو ژیێ وی ٣٤ سالن دگەل پسمامێ خو و حەژیکەرا خو کو ژیێ وێ ژی ٣٤ سالن و خەلکا باژیرێ هەولیرێ یە د رێ دا ل نزیک ناحیا قەسروکێ شەرەدەف چیبووی دناڤبەرا ڤێ ژنێ و هەڤالێ وێ ژنشکەکێڤە وێ ژنێ گوتێ من بزڤریننەڤە بو هەولیرێ و ئەگەرنە ئەزدێ پولیسان پێ ئاگەهدارکەم ل وی دەمی پسمامێ هەڤالێ وێ کوژیێ وی ١٩سال بوون چویە د سندوقا ترومبیلێ دا چەکوچەک ئینایە و دانایە سەرێ وێ و کوشتیە، پشترە تەرمێ وێ هاڤیتیە دناڤا ئاقارێ ئەتروش دا و شڤێدی ئەف کەس ژلایێ پولیسێن ناحیا ئەتروش و ئەفسەرێن رێڤەبەریا توندوتیژیێ ل قەزایا شیخان ڤە هات دەستەسەرکرن و دان پێدان ب ڤێ تاوانا خوکریە”.
تُتاح هذه الصورة أيضا في: کوردی
