نێچیرڤان بارزانی دگه‌ل لاڤرۆڤ و سه‌رۆكێ كۆمپانیا گاز پرۆم كۆمبوو
وار
كۆربه‌ندێ سان پوترس بێرگ یێ ئابۆری ل رۆسیا ده‌ستپێكر، نێچیرڤان بارزانی سه‌رۆكوه‌زیرێن هه‌رێما كوردستانێ ژی، ب سه‌رۆكایه‌تیا شانده‌كی پشكداره و د ئێكه‌م رۆژا كۆربه‌ندی دا، دگه‌ل وه‌زیرێ ده‌رڤه‌یێ رۆسیا و سه‌رۆكێ كۆمپانیا گاز پرۆم كۆمبوو.
لسه‌ر داخوازا فه‌رمییا رۆسیا فیدرال، ئه‌ڤرۆ شانده‌كێ بلندێ حكومه‌تا هه‌رێما كوردستانی ب سه‌رۆكاتییا نێچیرڤان بارزانی، گه‌هشته باژاڕێ سان پوترس بێرگ و پشكداری كۆربه‌ندێ ئابۆری یێ نێڤده‌وله‌تی بوون.
ل گۆری زانیاریێن وار، ئه‌ڤرۆ د په‌رواێزا كۆربه‌ندی دا، نێچیرڤان بارزانی دگه‌ل وه‌زیرێ ده‌رڤه‌یێ رۆسیا سێرگی لاڤرۆڤ كۆمبوویه و باس ل شه‌ڕێ دژی داعشێ و ره‌وشا سیاسی و ئابۆری یا ده‌ڤه‌رێ كرییه و د كۆمبوونێ دا، لاڤرۆڤی پشته‌ڤانییا وه‌لاتێ خوه بۆ هه‌رێما كوردستانێ دوپاتكرییه.
هه‌روه‌سا سه‌رۆكوه‌زیرێن هه‌رێما كوردستانێ، دگه‌ل سه‌رۆكێ كۆمپانییا گازپرۆم یا به‌رهه‌مئینانا په‌ترۆلێ ژی كۆمبوو، كو ل هه‌رێما كوردستانێ وه‌به‌رهێنانێ دكه‌ت و د كۆمبوونێ دا، كۆمپانیێ پابه‌ندیا خوه ب مانێ ل هه‌رێمێ و رێككه‌ڤتنا دگه‌ل حكومه‌تا هه‌رێمێ راگه‌هاند.
بریاره سه‌رۆكوه‌زیرێن هه‌رێمێ، دگه‌ل وه‌زیرێ په‌ترۆلێ ئالێكسانده‌ر نۆفاك و سه‌رۆكێ په‌ڕله‌مانێ رۆسیا سیرگی ناریشكین ژی كۆمببیت.
كۆربه‌ندێ ئابۆرییێ سان پوترس بێرگ، ب پشكدارییا 1500 كه‌ساتییان و 190 مه‌زنه كۆمپانیێنت جیهانێ، ژ 62 وه‌لاتێن جیهانێ د هێته گێران و بڕیاره ده‌ما دو رۆژێن دی یا به‌رده‌وامبیت.
تُتاح هذه الصورة أيضا في: کوردی
