بۆچی ماست ب شه‌ڤێ بهێته خوارن؟
نۆش نیوز:
ماست ئێك ژ گرنگترین به‌رهه‌مێن گیانه‌وه‌ری یێن پێدڤیه بو له‌شێ مرۆڤی و پتری جورێن دی یێن سپیاتی وه‌كو په‌نیری و كرێمی و نیڤشكی مفایێن خوه هه‌نه، چونكو پێك دهێت ژ پوتاسیوم، كالسیوم، ڤیتامین B12، پرۆتین، كاربوهیدرات، روین و به‌كتریایێن هه‌ڤال بو له‌شێ مرۆڤی، هه‌روه‌سا ژێده‌ره‌كێ گرنگێ ڤیتامین A&C و خوارنا وی یا گرنگه ب تایبه‌ت ب شه‌ڤێ، چونکو دەمێ مرۆڤ ئاڤەماستێ ڤەدخوت ئارام دبیت وخەوا مرۆڤی دهێت، لەورا پتریا گەلێن جیهانێ ماستی یان ئاڤەماستێ ب شەڤێ دخۆن و ژێدەرەکێ گرنگە بو نەهێلانا وەستیانێ و ئارامکرنا دەماران، زێدەباری ڤان مفایان.
مفایێن خوارنا ماستی به‌ری نڤستنێ:
1-ده‌ماران ئارام دكه‌ت و وه‌ستیانێ كێم دكه‌ت، ژبه‌ركو ئه‌سیدێن ئه‌مینی وه‌كو تربتوفان دناڤدا هه‌نه.
2- له‌شی ژ هشكبوونێ دپارێزیت د وه‌رزێ هاڤینێ و ده‌مێ پلێن گه‌رمێ دبلند بن.
3- په‌نجه‌شێرا قولونێ كێم دكه‌ت، چونكو ل دووڤ ڤه‌كولینان، كه‌رستێن دژی په‌نجه‌شێرێ دناڤدا هه‌نه.
4- تووشبوونێ ب بلندبوونا فشارا خوینێ و نه‌خۆشیێن دلی كێم دكه‌ت.
5- پێتیبوونا هه‌ستیان ناهێلیت، چونكو كالسیوم و ڤیتامین دی دناڤدا هه‌نه و هه‌ردو هاریكارن بو بهێزكرنا هه‌ستیكان.
6- كاردكه‌ت كو ژه‌هر ژ له‌شی ده‌ربكه‌ڤن و رێگریێ دكه‌ت داکو نەچنه دناڤ جگه‌رێ دا.
7- هاریكاره بو چاره‌سه‌ركرنا ژه‌هراویبوون و هه‌ودانا رووڤیكان و چاره‌سه‌ریا زكچوونێ.
8- غازاتا و زكچوونێ و قه‌بزبوونێ و زه‌حمه‌ت هه‌رسكرنێ كێم دكه‌ت.
9- كاردكه‌ت وه‌كو ئه‌نتی بایوتیكه‌ك بو تافیلكڕنا رووڤیكان ژبه‌ركو به‌كتریایێن باش دناڤدا هه‌نه.
10- گه‌وریا مرۆڤی ژ به‌كتریایێن دبنه ئه‌گه‌رێ هاتنا بێهنا نه‌خۆش ژ ده‌ڤی دپارێزیت.
11- هه‌ودانێن میزه‌رۆیێ و فتریاتان ل ده‌ڤ ژنان كێم دكه‌ت.
12- پێك دهێت 20% ژ پێدڤیا له‌شێ مرۆڤی ب پرۆتینان و هاریكاره بو ئاڤاكرنا هه‌ستیان.
13- هاریكاره د كێمكرنا كێشا له‌شی دا، ژبه‌ركو هه‌رسكرنا خوارنێ ب ساناهی دئێخیت و مۆرڤ هه‌ست ب برسیبوونێ ژی ناكه‌ت.
14- رێگره ل پێكهاتنا به‌ركان د گولچیسك و میزه‌رۆیێ دا، ده‌ستئاڤێ خۆش دكه‌ت.
15- به‌كتریایێن باش بو بهێزكرنا به‌رگریا له‌شی دناڤدا هه‌نه.
تُتاح هذه الصورة أيضا في: کوردی
