بۆچى هنده‌ك ژ هاژووتنا ترومبێلێ دترسن؟
نۆش نیوز:
یا ب ساناهى یه ئه‌م بزانین بۆچى روودانه‌كا ترۆمبێلێ دبیته ئه‌گه‌ر كو مرۆڤ ژ هاژووتنا ترومبێلێ بترسیت، به‌لێ ترسیان ژ هاژووتنا ترومبێلێ یان فۆبیایا هاژووتنا ترومبێلێ چ په‌یوه‌ندى ب روودانێن ترۆمبێلان ڤه نینه.
ترسیان ژ هاژووتنا ترۆمبێلێ نه ترسه‌كا نورماله، به‌لكو ترسه‌كا دژواره و دگه‌هیته ڕاده‌یه‌كى ئه‌و مرۆڤ ب چو ره‌نگه‌كى یێ ئاماده نینه ترومبێلێ بهاژووت و دبیت ببیته فۆبیا و ب زه‌حمه‌ت دهاژووت ب تایبه‌ت لسه‌ر رێكێن ب له‌ز یان دناڤ قه‌ره‌بالغێ دا و گرنگترین ئه‌گه‌رێن ترسیان ژ هاژووتنا ترومبێلێ ئه‌ڤێن ل خوارێ نه:
1- سه‌ربورێن نێگه‌تیف یێن روودانێن بورى ژ به‌ربه‌لافترین ئه‌گه‌رانه ژ وانژى روودانێن كوژەك، یان هاژووتنا ترومبێلێ دناف سه‌قایه‌كێ مژه‌وى دا یان به‌رزه‌كرنا رێكێ و ژ رێكێ ده‌ركه‌تن، دبیت ئه‌و بهێنه هزرا ته و ب ترسى ژ دوباره روودانا وان، له‌وڕا ئه‌و هزر و تڕس دبنه ئه‌گه‌ر ئه‌و مرۆڤ ترومبێلێ نه‌هاژووت.
2- هاژووتنا ترومبێلێ ل جهه‌كى كو وى پێزانین لسه‌ر نه‌بن، هه‌كه تو ژ هاژووتنا ترومبێلێ دترسى نه‌چه جهه‌كى كو تو نه‌زانى كووڤه‌یه، چونكو هه‌كه ته پێزانین لسه‌ر هه‌بن دێ شێێ هاژووى و ناترسى، به‌لێ به‌روڤاژى دێ ترس زێده‌بیت و هنده‌ك هزر خوه ل سه‌رێ شوفێرى ده‌ن، ئه‌رێ دێ ل كووڤه ده‌ركه‌ڤم هه‌كه رێكا من به‌رزه‌بوو؟ دێ چ قه‌ومیت هه‌كه پانزین نه‌ما؟ یان هه‌كه موبایل بو ده‌رڤه‌ى بازنه‌ى؟ یان من چ جهـ نه‌دیتن ترۆمبێلا خوه ب راوەستینم؟ یان هه‌كه ترومبێل ئاسێ بوو؟ یان ئه‌ز نه‌شیام بچمه مال و ئه‌ڤه هەموو ترسێ زێده‌دكه‌ن.
3- نیگه‌رانى و قه‌ره‌بالغا هاتنووچوونێ تشته‌كێ رۆژانه‌یه، به‌لێ بو كه‌سێن نه‌وێرن ترۆمبێلێ بهاژوون تشته‌كێ ب زه‌حمه‌ته و حه‌ز ناكه‌ن بكه‌ڤنه هنده‌ك هەلویستان كو هزردكه‌ن نه‌شێن ژێ ده‌ركه‌ڤن و هه‌كه پیچه‌ك ژى هزر تێدابكه‌ن دێ ترسیانا وان زێده‌بیت.
4- ترسیان ژله‌زاتیا ترومبێلێ و نه كۆنترولكرنا ترومبێلێ و ژده‌ست ده‌ركه‌تنا وێ، ئه‌و له‌زایه‌تى دبیته ترسه‌كا مه‌زن و نه‌وێریت ترومبێێلێ بهاژووت.
5- ترسیان ژ روودانێن كۆشتنێ و مه‌ترسیا مرنێ كو هنده‌ك كه‌س گه‌له‌ك هزر تێدا دكه‌ن و باوه‌رى ب خوە نامینیت و هه‌تا باوه‌رى نابیت ل ترومبێلێ سوار ببن ژى و ل هه‌ردو حاله‌تان ترسه‌كا مه‌زن بو په‌یدادبیت.
تُتاح هذه الصورة أيضا في: کوردی
