خوارنا گۆشتێ ماسی مفایێن مەزن ھەنە وان مفایا بزانە
نوش نیوز:
دکتور عەدنان سالح ئاکرەی تایبەتمەندێ نشتەرگەریێن گشتی ل نەخۆشخانا گۆلان ل ئاکرێ بۆ نوش نیوز دا دیارکرن ک ھەمی گاڤان مە گۆھـ ل مفایێن خوارنا ماسیێ دبیت،کو مرۆڤی ژ گەلەک نەخۆشیا دپارێزیت، لەورا پێدڤیە ب کێمی د‌حەفتیێ دا مرۆڤ دو جارا گۆشت ماسی بخۆت،.
مفایێن خوارنا گۆشت ماسی
٭خەمۆکی
خەمۆکی ب ئەگەرێ کێمبوونا ترشێ چەوریێ (ئۆمێگا – ٣) د مێشکیدا روو ددەت،بەلێ ژبەر ھندێ ماسی گەلەک یێ دەولەمەندە ب ترشێ چەوریێ (ئۆمێگا – ٣)، لەوما خوارنا ماسی خەمۆکیێ ناھێلیت.
٭نەخۆشیێن دلی
ئەو پرۆتینێ کو دناڤ گۆشتێ ماسیدا ھەی، رێژەیا کۆلسترۆلێ ساخلەم HDL دناڤ خوینێ دا بلند دکەت، ھەروەسا ئەگەرەکە بۆ دوورخستنا نەخۆشیێن خوینێ و جەلتا مێشکی و خوینێ و ھەوکرنا ریشالێن دلی، لەورا بۆ ئەوکەسێن نەخۆشیا دلی ھەین،دڤێت ماسی بخۆن،چونکی دبێژنێ دایکا پرۆتینان.
٭بۆ ب ھێزکرنا چاڤان
خوارنا ماسی ژلایێ دایکێن دوگیان ڤە مفا بۆ دیتنا زارۆکێ وێ یا ھەی،چونکی دایکا دوگیان ب خوارنا گەلەک ماسی رێژەیەکا زۆر یا ترشێ چەوریێ (ئۆمێگا – ٣)،پەیدا دکەت،کو کار دکەت بۆ ب ھێزکرنا چاڤێن زارۆیێ وێ.
٭رەبۆ
ماسی گەلەک یێ دەولەمەندە ب چەوری،ژ وان ژی ماسیێ توونە و سەلەموون،کو ب رێژەکا بەرچاڤ رەبۆیێ کێم دکەت.
٭رۆماتیزم
حەفتیانە خوارنا ماسی رێژا ئازارێن رۆماتیزمێ و نەخۆشیێن دی ژی کێم دکەت.
٭ئازارێن مێشکی
ئەو ماسیێن کو ب ترشێ چەوریێ (ئۆمێگا – ٣) دەولەمەندن،گەلەک د کاریگەرن بۆ باشکرنا ریشالێن مێشکی، ئەڤەژی بوویە رێگرییەک ل بەرامبەری نەخۆشیێن مێشکی، وەکو نەخۆشیا زەھایمەر و چەندین جۆرێن دیتر.
٭ژ دایکبوونا پێشوەخت
ڤەکۆلینان دیارکریە کو ئەو ژنێن دوگیان یێن کو ب بەردەوامی و ب رێژەیەکا زۆر ماسیان د‌خۆن، رێژەیا ئەگەرێ زوو زارۆکبوونێ کێمتر دبیت.
٭نەخۆشیا شەکرێ
خوارنا گۆشت ماسی رێکەکا زۆرا باشە بۆ ئێکسانکرنا رێژا شەکرێ د‌خوینێ دا و نەھێلانا ژ نشکەکێڤە بۆ بلندبوونا رێژا ئەنسۆلینێ.
٭نەخۆشیا خەلەفانێ
بۆ کەسێن دانعەمر خوارنا ماسی ب بەردەوامی و ب شێوەیەکێ رێکوپێک ،بۆ نموونەحەفتیێ جارەکێ، زۆر یا گرنگە،چونکی رێژا تووشبوونێ ب خەلەفانێ گەلەک کێم دکەت.
٭پەنجەشێر
ئەو ترشێ چەوریێ کو دناڤ ماسی دا ھەی،ب رێژەیا ٥٠% تووشبوونا ب پەنجەشێرێ کێم دکەت.
تُتاح هذه الصورة أيضا في: کوردی
