عیراقێ به‌رهه‌ڤیێن خوه بۆ سوپه‌ر كلاسیكۆیا سعوودیێ ده‌ستپێكرن
WAAR-دهۆك:
هه‌لبژارتیێ عیراقێ پشتی وێ دوراندنا گرانا لسه‌ر ده‌ستێ هه‌لبژارتیێ ئه‌رجه‌نتینێ دای دئێكه‌م یارییا خوه یا سوپه‌ر كلاسیكویێ دا ل سعوودیێ . جاره‌كادی ڤه‌گه‌ریا به‌رهه‌ڤی و راهێنانان بو دیدارا خوه یا دووێ رۆژا دوو شه‌مبی به‌رامبه‌ر هه‌لبژارتیێ سعوودیێ . كارڤه‌دانا دووراندنا به‌رامبه‌ر ئه‌رجه‌نتینێ یا مه‌زن نه‌بوو لسه‌ر راهێنه‌ر و یاریكه‌ران ، ژبه‌ركو وان پێش وه‌خت ئه‌ڤ چه‌نده پێشبینی دكر ژبه‌ر وێ جوداهییا مه‌زنا ئاست و كوالێتیا یاریكه‌ران دناڤبه‌را یاریكه‌رێن هه‌ردوو تیمان دا . هه‌ڤده‌م راهێنه‌رێ هه‌لبژارتیێ عیراقێ یێ سلوڤینی ستریچكو كاتانێچی ب چاڤه‌كێ ڤه‌كری لسه‌ر پاشه‌روژێ ته‌ماشه‌ی ئه‌نجامێ دیدارا به‌رامبه‌ر ئه‌رجه‌نتینێ دكر و گوت : باشترین ده‌رفه‌ت بو ئه‌م بزانین هه‌لبژارتیێ عیراقێ ل چ ئاسته و جهێ خوه دناڤ فوتبۆلا جیهانێ دا بزانین . دیدارا هه‌لبژارتیێ عیراقێ به‌رامبه‌ر هه‌لبژارتیێ سعوودیێ دهێته هژمارتن كلاسیكویا كه‌نداڤی و ل داوی رووبرووبون دا دناڤبه‌را هه‌ردوو تیمان عیراقێ لیاریگه‌ها به‌سرا ب 4 گولان به‌رامبه‌ر گوله‌كێ سه‌ركه‌ڤتن لسه‌ر سعودیێ توماركربو .
تُتاح هذه الصورة أيضا في: کوردی
