دیاردا كێشانا نەرگیلێ ل كەمپان دا بەلاڤ بوویە
تۆرا لالش یا راگەهاندنێ
ل ڤێ داویێ دیاردا كێشانا نەرگیلێ ل كەمپان دا،ب شێوەیەكی ئێكجار زۆر لناڤ زارۆكێن ئاوارێن شنگالێ یێن كو تەمەنێ وان كێمتر ژ چاردە سالان بەلاڤبوویە.
ڤەكۆلەرێ جڤاكی(جەمال عەلی)بۆ رۆژناما دەنگێ لالش راگەهاند،ژ دیاردەیێن سەرەنج راكێش یێن ل ناڤ جڤاكا مەدا بەربەلاڤ بووین دیاردەیا كێشانا نەرگیلێ یە و ب شێوەیەكی بەرجاڤ جیێ خۆ گرتیە لجەم تەخێن جودا جودا یێن جڤاكی هەیە،نەرگیلە ئەگەرەكا سەرەكی یا پەنجەشێرێ یە و تشتەكی هەرێ خرابە بۆ ساخلەمیا مرۆڤی،لێ ل ڤێ داویێ ئەڤ دیاردە لناڤ زارۆكێن ئاوارێن شنگالێ یێن كو تەمەنێ وان كێمتر ژ چاردە سالان بەلاڤبوویە و ئەڤ زارۆكە یێن فێری كێشانا جگارێ و نەرگیلێ بووینە و پێتڤیە جۆرە هشیاریەك ژلایێ جیێن تایبەتمەند ڤە بێنەدان،ئەو ژی وەك رێكخراوێن گەرۆك و خێزانێن وان ئاگەهداری ڤێ چەندێ بكن،دیسان پێتڤیە ئەو چەندە بێتە ڤەكۆلینكرن كو ئەڤ یەك بۆ چ ئەگەرێ دزڤرت و دێ چاوا ئێتە چارەسەركرن ئێكسەر دڤێت ئەڤ دیاردە نەمینت ل ناڤ تەخا زارۆكان دا.
گۆتژی ئەگەرێن ڤێ دیاردێ گەلەك ژی دزڤرن بۆ دەیك و بابێن ڤان زارۆكان ژبەركو هاتینە پشتگوه هاڤێتن و چ پووتە پێ نائێتە دان،زەحمەتەك پێ دڤێت داكو نەرگیلە كێشان نەمینت و یا نیمچە مەحالە ژبەركو ب شێوەیەكی ئێكجار زۆر بەلاڤ بوویە،ژبەر نەبوونا سەرەدەری و چاڤدێریا ساخلەمی و ژلایێ خێزانێن وان ڤە و نە گرانیا بەهایێ جگارە و نەرگیلە ئێكسەر دناڤا كەمپان دا،دیسان ڤێ دیاردێ كارتێكرنەكا نیگەتیڤ ل جڤاكێ دكە.
تُتاح هذه الصورة أيضا في: کوردی
