ڤەكۆلەرەكی جڤاكی:ئەڤینیا كچ و كوران لسەر تۆرێن جڤاكی چ بنەما بۆ نینە
تۆرا لالش یا راگەهاندنێ/لەیت حسێن
وەك ل سەردەمێ بەری نهۆ دهاتە گۆتن كو ئەڤینی ژ چاڤپێكەفتنا ئێكێ یە،لێ مخابن نهۆ لجەم گەلەك ژ گەنجێن مە بوویە ژ نامە ئێكێ،ئەڤینیا راست و دروست ئەوە چ تشت نكارت كارتێكرنێ لسەر بكت،لێ نهۆ دجڤاكێ مەدا ئەڤینیا پتریا كچ و كورێن بوویە برێیا تۆرێن جڤاكی و كارتێكرنەكا زۆر لسەر گەنجان كریە،هەڤدەم هێشتا نە گەهشتینە وی ئاستی كو ئەڤینیا گەنجێن مە بڤی شێوەی بت،ڤەكۆلەرەكی جڤاكی ژی ئاشكەراكر كو ئەڤ ئەڤینیا نهۆ پتریا وێ لسەر تۆرێن جڤاكی یە و چ بنەما بۆ نینە و لسەر بنەمایەكی شاش هاتیە دانان.
لدۆر ئەڤینیا كچ وكوران ب رێیا تۆرێن جڤاكی(جەلال شنگالی)گەنجەكە دبێژت:ئەڤینیا پتریا كچ و كورێن ئاوارەیێن شنگالێ برێیا تۆرێن جڤاكی یە و ڤێ چەندێ كارتێكرنەكا زۆر لسەر گەنجێن مە كریە وەك نموونە هندەك كچ و كور شەهیانا خۆ دكن و بێی وێ چەندێ كو رووبرووی ئێك ب ئاخڤن ب تنێ ئاخفتنا لسەر تۆرێن جڤاكی نە بت،داخوازێ ژ هەموو گەنجان و كچان دكەم تۆرێن جڤاكی نەبنە ئەگەرێ ئەڤینیەكا ب دەرەوا و نەبنە قوربانیێ دەستێ ئەڤینێ،چنكو ئەڤینی ژی وەك تشتەكی گەلەك كەڤن و دیاردەیەكا پیرۆزە هیڤی دكن وندا نەبت.
هەروەسا لسەر ئەڤینیا راست و دروست(سۆنیا ئەلهەكاری)كچەكا دیاركر،ئەڤینیا راست و دروست چ تشت نكارت كارتێكرنێ لسەر بكت هەكە ب چ رێ بت،لێ هندەك تشت هەنە كو كچ و كورێن مە ب شاشی تێدگەهن و ب باشی وەرناگرن ئەو ژی ب ئەگەرا وێ چەندێ یە كو نە ژ جیێن پەیوەندیدار و نە ژبال خێزانا وان ڤە ئامۆژگاری لسەر ڤێ چەندێ بۆ وان نائێنە گۆتن و مرۆڤ دئێت ب هەر تشتی پێشبكەڤە و هەول بدە كو پاشەرۆژەكا باشتر بۆ خۆ ببینت و گهۆرینا بكە دژیانا خۆ دا،لێ ئەڤینی تشتەك جودایە و نابت چ جارا یاری ب هەستێ ئەڤیندارا بێتە كرن نە ژلایێ كچێ ڤە بۆ كوری و نە ژلایێ كوری ڤە بۆ كچێ،ژبەركو ئەو تشتەكی پیرۆزە ژبەركو ژ دلی دەردكەڤت و كەس ب دلی نكارت، دڤێت ب رێیەكا دروست و گونجای بێتە بكارئینان بۆ ژینگەها كو ئەو كەس تێدا دژیت ژبەركو هندەك داب و نەریت هەنە نابت كو دەست ژێ بەردەن.
ژلایەكێ دی ڤە لدۆر ئەڤینیا لسەر تۆرێن جڤاكی(شوكری رەشید)رەوشەنبیرەكە گۆت:وەك ل سەردەمێ بەری نهۆ دهاتە گۆتن كو ئەڤینی ژ چاڤپێكەفتنا ئێكێ یە،لێ مخابن نهۆ لجەم گەلەك ژ گەنجێن مە بوویە ژ نامە ئێكێ و هەلبەت ئەڤە تشتەكی نە باشە و دڤیابە كو هەردەما ئەڤینیا وان بوو ژ دل سەرەدانا ئێك و دوو بكن و هەڤدوو بنیاسن لپێش كو بریارە هەڤژینیێ بدەن،ژبەركو ئەڤینیا لسەر تۆرێن جڤاكی نە لدووڤ هەست و سۆزێن ئەڤیندارانە بەلكو ب نڤیسین و پەیڤێن خۆشە یێن كو كچ و كور ژی لپشت پەردێ دبێژن و ئەڤ چەندە ژی دبتە ئەگەرێ وێ چەندێ كو هەكە هات و وان هەردوویان ژی پەیوەندیا هەڤژینیێ پێك ئینا ئاریشە بۆ بێنە چێكرن و خێزانێن كچێ و كوری ژی تۆرەبوونەكا مەزن لجەم چێبت،هەروەسا ئەگەرا وێ چەندێ ژی هەیە كو خاپاندن ژی ژ ڤێ ئەڤینیا بڤێ رێ چێبت ژبەركو هندەك كچ لپێش بگەهنە تەمەنێ هەڤژینیێ ژبال هندەك كوران ڤە دئێنە خاپاندن و بۆ مەرەمێن جودا و نە باش دئێنە بكارئینان،لەومان ژی ئەڤ چەندە ل ناڤ جڤاكا مەدا تشتەك نەباشە چنكو رەوشەنبیریەت یا كێمە و ئەم نە گەهشتینە وی ئاستی ئەڤینیا كور و كچێن جڤاكا مە لسەر تۆرێن جڤاكی بت.
سەبارەت ئەڤینیا نهۆ دناڤبەرا كچ و كوران دا تێتە كرن ڤەكۆلەرێ جڤاكی(حەجی مەغسۆ)خویاكر،ئەڤ ئەڤینیا نهۆ پتریا وێ لسەر تۆرێن جڤاكی یە،لێ ئەز وەكو ڤەكۆلەرەكی جڤاكی بڤێ چەندێ را نینم كو ئەڤینی بڤی شێوەی بت بەری كو ئەو باش هەڤ دوو بنیاسن،ژبەركو ئەگەر هەیە كو كچ یان كور نە ب دلێ یێ دی بت،چنكو نهۆ گەلەك بەرنامە و تشتێن تەكنلۆژیایی هەنە و ژمارەك ژ كوران ب رێیا وان تشتان خۆ بۆ كچان ددەنە نیاسین و بتنێ وێنەیێن خۆ بۆ فرێ دكن لێ ئەڤە نە رێیەكا دروستە ژبەركو چێدبت ئەو ئەڤیندار دەما دڤێن پەیوەندیا هەڤژینیێ پێك بینن ب دلێ مالباتێن وان نەبت و ئەڤە تشتەك نۆرمالە و ئەڤ چەندە چ بنەما بۆ نینە و لسەر بنەمایەكی شاش هاتیە دانان.
تُتاح هذه الصورة أيضا في: کوردی
