نه‌خوشیێن گرێدای وه‌رزێ بوهارێ و دێ چاوان خوه ژێ پارێزی
نوش نيوز:
نوكه ئه‌م ل وه‌رزێ بوهارێ داینه، كو خه‌لك گه‌له‌ك حه‌ز ژێ دكه‌ن، چونكو سه‌قا خوش دبیت و خه‌لك قه‌ستا گه‌ریان و گه‌شتان دكه‌ت، به‌لێ ل ده‌ڤ هنده‌ك كه‌سان وه‌رزه‌كێ نه‌خوشه ب تایبه‌ت ئه‌وێن هه‌ستجداری یان حه‌ساییا بوهارێ هه‌بیت كو گرێدای ئاخێ و مژێ یه، هه‌كه ئێك ژ خێزانا ته نه‌خوشیه‌كا بوهارێ هه‌بیت پێدڤی یه خوه ئاماده‌بكه‌ن، چونكو خوپاراستن باشتره ژ چاره‌سه‌ریێ.
ژگرنگترین نه‌خوشیێن گرێدای وه‌رزێ بوهارێ:
1- هه‌ودانا چاڤی: ژ ناڤێ وی جدیاره كو چاڤ ب هه‌ودان دكه‌ڤیت و ب تایبه‌ت ل وه‌رزێ بوهارێ، چاڤێن وان حه‌ساسی دگریت و پاش دبیته هه‌ودان، ژ نیشانێن وێ: رۆندك گه‌له‌ك دهێنه خوار، خوریان، سوتنا چاڤی، هه‌ست ب نه‌ئارامیێ، نه‌خوشی دیتن ژ روناهیێ.
بو خۆپاراستنێ ژ ڤێ نه‌خۆشیێ، نه‌هێله مژ و موران كارتێكرنێ ل چاڤێن ته بكه‌ن، خوه ژ تیشكا رۆژێ بده پاش ب كارئینانا به‌رچاڤكان، هه‌روه‌سا عه‌ده‌سێن نووسه‌ك ب كارنه‌ئینه و ده‌ستێن خوه نه‌كه چاڤێن خوه و نه‌خورینه، چونكو ئه‌و هه‌ودانێ زێده دكه‌ن، نابیت ژن میكیاژی ب كاربینن و میكیاژ و ئامیرێن كه‌سێ ب كارنه‌ئینه، هه‌روه‌سا كه‌مادێن ته‌زی بو چاڤێن خوه ب كاربینه و هه‌كه خواست هنده‌ك ده‌رمانێن دژی هه‌ستداریێ و دلوپێن چاڤی ب كاربینه.
2- هه‌ستداریا دفنی: هه‌كه كه‌سه‌كی هه‌ستداری ب كه‌رسته‌كێ ده‌ستنیشانكری هه‌بیت و وی كه‌رسته‌ی ب هلكێشیت دناڤ سه‌قای دا ل وه‌رزێ بوهارێ، كوئه‌ندامێ به‌رهنگاریا له‌شێ وی ئێكسه‌ر دێ به‌رسڤدان بو وی كه‌رسته‌ی هه‌بیت و هه‌ودان دێ ژێ په‌یدابیت و وه‌كو نیشانێن په‌رسیڤی دێ لێ دیاربن. ژ نیشانێن هه‌ستداریا دفنێ، بێهنژیت، هاتنه‌خوارا دفنێ، خوریان، گرتنا دفنێ، سه‌رئێشان و ره‌نگه پشتی بوورینا ده‌مه‌كی ببیته ئه‌گه‌رێ خوریان و هه‌ودانا گه‌وریێ.
تُتاح هذه الصورة أيضا في: کوردی
