ل دهۆکێ باژێرەکێ ديرۆكى هاتە دیتن
ئێن ئارتى
ڤەکۆلەرێن زانکۆیا تویبنگم ل ئەڵمانیا راگەهاندن، ل نێزیک باژێرێ دهۆکێ باژێرەکێ دی یێ دیرۆکی هاتیە دیتن کو مێژوویا وی باژێرێ بۆ سەدەیێ برۆنز و بۆ سێ هزار سالان بەریا زاینێ ڤەدگەرت.
زانکۆیا ناڤهاتی ل مالپەرێ فەرمی یێ خوە بەلاڤکریە، ئەو شینوار ل گوندێ باسەتکێ یێ نێزیک دهۆکێ هاتیە دیتن و ب دیوارەکی هاتیە دەردۆر کرن کو دیرۆکا وی دیواری بۆ دوو هزار و ٧٠٠ ساڵان بەری زاینێ ڤەدگەرت، هەروەسا رێیێن دچنە ناڤا باژێری هاتینە دیتن و گۆرستانەک ل نێزیک هەبوویە.
ڤەکۆلەران هژمارەک تەختەیێن نڤێسانێ ل وی شینواری دیتینە کو دیرۆکا وان بۆ هزار و ٣٠٠ ساڵان بەریا زاینێ دزڤریت و ب رامانا هندێ دهێن کو ل وی جهی پەرستگەهەک “خودایێ سەقایێ میزۆپۆتامیا (ئەداد)” لێ هەبوویە.
زانکۆیا تویبنگم ئەو چەند ژی راگەهاند، ئەو باژێر باژێرەکێ مێژووییە و هزار و ٨٠٠ ساڵان بەری زاینێ رێ بۆ هاتیە ڤەکرن و ب دەڤەرێن دەردۆرا وێ هاتیە گرێدان.
هەڤدەم وان شینوارناسان شینوارێ ئیمپراتۆریەتا کەڤنا ئەکادیان دیتنە کو دیرۆکا وێ بۆ دوو هزار و ٣٤٠ ساڵان بەری زاینی بۆ دوو هزار و ٢٠٠ ساڵان بەری زاینێ ڤەدگەرت.
پیتەر پفێلزنەر بەرپرسێ وێ ڤەکۆلینێ کو مامۆستایێ وێ زانکۆیێ یە بەحسێ رەوشا ئارامی و ئێمناهیا دەڤەرێ کر و گۆت ژی “مە دگەل هاریکارێن خوە یێن کورد دا پلانەکا درێژخایەن ل دەڤەرێ هەیە”.
بەرێ ژی د سالا ١٩٧٥ێ دا پەیکەرێ “سەنەمێ ئەکادیان(نەرام سین)” د وی گوندی دا هاتبوو دیتن.
تُتاح هذه الصورة أيضا في: کوردی
