هه‌تا هه‌ڤژینه‌كێ بۆ خوه دئینیت پێدڤیه جه‌لده ده‌ت
ئه‌ڤرۆ نیوز، نیوار محه‌مه‌د سه‌لیم:
هه‌رده‌م ئه‌سیوبیا كانیه‌كا دابونه‌ریت و ره‌وشێن سه‌یر بوویه ل جیهانێ، هنده‌ك بنه‌مال ره‌نگێن سه‌یر و جودا یێن دژوار ژ ئه‌شكه‌نجه‌دانێ دژی ژنان ب كار دئینن ژ بوو بۆچوونێن خوه یێن سه‌یر، ئێك ژ وان ژی یا بنه‌مالێن “هندوكێن سۆر”ه یا ئه‌سیوبیا كو ژنان جه‌لد دكه‌ن.
ژماره‌كا وێنان هاتنه دیتن كو ژ لایێ وێنه‌گر “جێرمی هانته‌ر” ڤه هاتینه گرتن كو یێن ئاهه‌نگه‌كا بنه‌مالا “ئۆكۆلی بۆلا”نه، خه‌لكێ وێ بنه‌مالێ پشت به‌ستنێ ل سه‌ر جه‌لده‌دانا كچێن گه‌نج دده‌ن، ئه‌و وه‌سان هزر دكه‌ن كو ئه‌ڤه نیشانا رێزگرتنێ یه به‌رامبه‌ر ئه‌و قوربانیدانا زه‌لامێن بنه‌مالێ دده‌ت، ب گۆره‌ی ژێده‌ره‌كی ژ ده‌یلی مه‌یل یا بریتانی.
ئه‌ندامێن ڤێ بنه‌مالێ وه‌سان دبینن كو گه‌له‌ك لێدانا لاشێ ژنێ ته‌كستێ ل سه‌ر ڤیانا وێ بۆ ئه‌ڤینێ دكه‌ت، خوه هه‌كه كه‌فته د كاودانه‌كێ گه‌له‌ك دژوار ژی دا دێ شێت خوه راگریت، ل به‌رامبه‌ر ڤێ چه‌ندێ ژی چو داخوازیه‌كا زه‌لامێ خوه بن پێ ناكه‌ت پشتی هاتیه جه‌لده دان.
د ڤێ ئاهه‌نگا هۆڤانه دا، ئه‌وا ل دۆلا رووبارێ ئۆمۆ دا هاتیه ئه‌نجام دان، ژن ب حه‌زا وان دهێنه جه‌لده دان و بێ كو ئه‌و بهێنه نه‌چاركرن بۆ ده‌ربڕین ژ ئه‌ڤینا خوه بۆ گه‌نجی، زه‌لام ژی د دو ره‌وشێن گه‌له‌ك جودا و گرنگ دا دبۆریت د ڤێ ئاهه‌نگێ دا ئه‌و ژی سه‌نتكرن و خوه هه‌لاڤێتنه ل سه‌ر گای. هه‌كه شیا ڤان هه‌ردو قووناغان ده‌رباز بكه‌ت رامانا وێ چه‌ندێ دگه‌هینیت كو نوكه یێ گه‌هشتیه قووناغا گه‌هشتنێ و بالقبوونێ و یێ ئاماده‌یه بۆ پێكئینانا خێزانێ.
كچ ژ لایێ ئه‌ندامێن خێزانا خوه ڤه دهێنه جه‌لده دان یان ژی نێزیكێن خوه و د به‌ر را ژنێن دی یێن بنه‌مالێ سترانان د به‌ر را دبێژن، پشتی جه‌لده دانێ وێنه ل سه‌ر لاشێ وان دهێنه چێكرن دا كو شوونووارێن لێدانێ ل سه‌ر دیار نه‌كه‌ن. ژن شانازیێ ب وێ لێدانێ دكه‌ن، نیشانا وێره‌كی و زیره‌كیا وایه ل مه‌یدانێ.
ئه‌ڤ بنه‌مالێن عه‌شیره‌تان دكه‌ڤنه لایێ باشوورێ پایته‌ختێ ئه‌سیۆبیا “ئه‌دیس ئابابا” ئه‌ڤێن دكه‌ڤنه سه‌ر ده‌ریا “تۆركانا” مێژوونڤیسێ ناڤدارێ ئیتالی “كارلۆ كونتی روسینی” دیار دكه‌ت كو ئه‌ڤ پارچا ئه‌سیۆبیا “مۆزه‌خانه‌كا ملله‌تایه” ب كێمی هه‌شت بنه‌مالێن سه‌ره‌كی لێ دژین و نێزیكی 200 هزار كه‌سانه.
ل ڤێ پارچا جیهانێ خه‌لكێ بنه‌مالان گه‌له‌ك یێ دووره ژ كارتێكرنا ده‌ره‌كی و ته‌كنۆلۆژیایێ ئه‌ڤا جیهان ڤه‌گرتی و ئه‌و پێشكه‌فتنێن د جڤاكان دا دهێنه پێش، ئه‌ڤه بنه‌مالێن ساده یێن ده‌سپێكی نه پشت به‌ستنێ ل سه‌ر كه‌رستێن سرۆشتی دكه‌ن، یا ژ هه‌موویا سه‌ره‌كیتر له‌هیا رووبارێ ئۆمۆ یه، كو دشیانێن وان دایه سالێ سێ جاران چاندنێ بكه‌ن و پشت به‌ستنێ ل سه‌ر وێ چه‌ندێ بكه‌ن.
تُتاح هذه الصورة أيضا في: کوردی
