جارەكا دی شنگال
دلفەتار
دكۆلانێن بۆستەكێ تۆزدە
جارەكا دی بخوین ڕێتنێ
بوو هەری
خودا شەرم دكەت…
ب پێیا بدەتە ناڤ!
ژ كیش بەرپەرا دەركەفت ئەڤ زالمە؟
ژكوڤە هات..ئەڤ بارۆڤە؟
ئەڤ كێروناڤ؟
ل باژاری
دەست مینا ماری،
د ئالیێن ل كەمەرێن گولهناری
ل دەشتێ
خودا…زارۆكا دبەتە بەهەشتێ
ل چیایی
گیانەوەر یێن دخۆن لەشێ
زارۆكا!
زارۆك وژن وكال
یێن دخۆن..ئاخ وگیایی!
چنكو كەسەك نەبوو سەنگەر
نەبوو رێگر
لەو..لەشێن بێ سەر
سەرێن بێ لەش
دناڤ مالان دا،
دناڤ كۆلانان دا…
دهاڤێتی نە
د شەوتاندی نە
دیاری پێكرینە
مە هاوار كر
بۆ سومبولا
بۆ بولبولا
بۆ سەرۆكا
بۆمزگەفت ودێر و مرۆڤ ودلا،
فرمانا مە یا ل شنگالێ
كی بگەهتە مە
بەری خودای
ئەو ژخودای مەزنترە
دلۆڤان وخەمخۆرترە
كەسەك نەهات
رووهێ مە ژ ئەردی پانترە
دلێ مە ژگۆرێ كوورترە
هاوار مرۆڤ
خوین ژئاڤێ پر بترە!
خوین ژ نانی ئەرزانترە!
ئاین ژمرۆڤان پیرۆزترە؟!
كی دێ رووهێ مە هەلگرە؟
كی دێ بدەستێ ژارا گرە؟
كی دێ كەزییان ژدەستێ دێوان دەرینە؟
كی دێ بێژت
ئەڤ چی دینە؟!
ئەز دزانم
چوو وەلاتان شۆل ژ مە نینە!
شۆل بمە نینە!
ئەم هەژارین، بێ خوەیی نە
ئەم بێ دار و دوماهی نە
ئەم بن دەستێ هەر كەسی نە
ب فرمانا خلاسبووینە
ئەم كوردێن هەژار …شنگالی نە
شنگالی نە
تُتاح هذه الصورة أيضا في: کوردی
