كورتە چیرۆك
قەدەرا ژیانێ
سوزان خەلەف
خێزانا مە د هەژاریەكا دژوار دا د ژیا و بابێ من ژی مەزن ببوو و شیانێن كاری نەمابوون، دەیكا من نەچار بوو،دەست ب درووتنا جل و بەرگان بكت بۆ هندێ ئەم بژین، لێ قەدەرێ رێ نەدا و نەخۆش كەفت و نكاری بەردەوامیێ بدەتە كارێ خۆ،لێ رژدیا بابێ من بۆ بەردەوامیا خووندنا من پالدەرەك بوو بۆ من،هنگی ئەز ل قۆناغا دووێ سەرەتایی بووم ،رۆژانە د چۆمە دەوامێ بێ كو من چ دراڤ هەبت، نەچار دبووم من پرتەكا نانی لگەل خۆ دبر داكو ژبرسا نەكەڤم چنكو تێشت ژی من نە دخوار،دەمێ من ئەو پرتا خۆ یا نانی دخوار من شەرم دكر هەڤالێن من بەرێ خۆ بدەنە من ، هەلویستەكی زۆر نەخۆش بوو، هندەك جاران ئەگەر هەڤالا من بۆ من تشتەك كریبا ژی من شەرم دكر ل جەم وان بخۆین بەلكو ل هیڤیا هندێ بووین كو پۆلا مە ژ قوتابیان خالی ل دەمێ بێنڤەدانێ داكو ئەم ل پۆلێ بخۆین،هەر گاڤا هندەك خوارنا مە زێدە دكر من ب دزی هەڤالا خۆڤە بۆ رۆژا دێ دپاراست ،هەتا كو وەسا ل من هات ژبەر وێ خوارنا كەڤن گەلەك جاران تووشی نەخۆشیان دبوون لێ من نەدگۆتە كەسی ،جل و بەرگێن وەسا دبێ سەر و بەربوون من شەرم دكر دەستێن خۆ بلند دكەم دەمێ مامۆستایی پرسیارەك دكر داكو قەمیسێ من یێ دریایی دیار نەبت، هەر چەندە من بەرسڤ دزانی ژی لێ من دگۆتە هەڤالا خۆ بەرسڤێ بێژە،گەلەك جاران هندەك قوتابیان حەنەكێن خۆ ب من دكر، لێ پشتەڤانیا بابێ من بوو ئەگەرێ بەردەوامیا خووندنا من.
ئەز گەهشتمە قۆناغا زانكۆیێ و من كاری باوەرنامێ ب دەستخۆڤە بینم و ب شیانێن خۆ من كاری مووچەیەكی هەیڤانە ژی وەرگرم ، لێ من هەست دكر كو ژئالیێ تەندروستی ڤە نەخۆشم، پشتی من ژیانا هەڤژینیێ پێكئینایی نەخۆشیا من زێدە بوو، و ب ڤێ یەكێ من خۆ گونەهبار دیت هەمبەر زەلامێ خۆ چنكو ژیانا وی ژی كرە ئێش و ئازار .. ئەڤەیە قەدەر.
تُتاح هذه الصورة أيضا في: کوردی
