سەرهاتیا تللو
وەرگێران ژ ئەرەبی:شیلان عبدالمناف
ل سالا 1898 ئیمبراتۆرێ ئەلمانی (غلیومێ دووێ )،دگە ل خێزانا خۆ سەرەدانەك بر بۆ شامێ ل سوریا ، خەلكێ شامێ ب جوان و پیر و كال ، زارۆ و ژن دەركەفتبوون سەر رێك و بان و جیێن گشتی ژبۆ پێشوازیكرنا ئیمبراتۆری و خانما وی، ل وان مابەینادا دەرگەهێ چوونا ژوور بۆ قەسرا پێشوازیكرنێ ، ژنشكەكێ ڤە چاڤێن خانما ئیمبراتۆری ب ( گوهـ درێژەكێ سپی و جوان ) كەفت ،سەرەنجا وی راكێشا و ژ (غلیومێ دووێ ) خواست كو وی گوهـ درێژی بۆ بكرت داكو دگەل خۆ ببەنە وەلاتێ خۆ (ئەلمانیا).
ئیمبراتۆری ژ والیێ شامێ (مستەفا عاصم پاشا ) داخوازكر كو بپرسن كا ئەو گوهـ درێژە یێ كێ یە ؟ داكو ژێ بكرن بۆ خانما ئیمبراتۆری، والیێ دیمەشقێ پشتی پرس و دووڤچوونێ، خودانێ وی گوهـ درێژی دیتن ناڤێ وی (تللو) بوو، والی ژ تللوی خواست كو ئەو گوهـ درێژێ وی هەی دگەل خۆ ببەن بۆ خانما ئیمبراتۆرێ ئەلمانی،بەرامبەر كۆمەكا زێر و پارا بۆ خودانێ گوهـ درێژی،لێ تللویی رەتكر و قەبوول نەكر و گۆت كو گوهدرێژی نافرۆشتە ئیمبراتورێ ئەلمانی، دەمێ والی (مستە فا عاصم) ،ل تللوی پرسی بۆچی گوهدریێژی نافرۆشت؟ _ تللوی گۆتە والی :پێنچ هەسپ یێن هەین بۆ فرۆتنێ، لێ گوهدرێژی نافرۆشت،چنكو ئەگەر گوهدرێژ ئیمبراتۆری كری و دگەل خۆ برە ئەلمانیا، دێ هەموو گۆڤار و رۆژنامە لسەر (گوهدرێژێ سپی )نڤیسن و ئەڤە گوهدرێژ ناڤ و دەنگ بوو ،دێ ل ئەلمانیا بتە بەحس بەحسێ گوهدرێژی، و دەمێ دپرسن ئەرێ ئەو گوهدرێژ ،ئیمبراتۆری ژكێدەر ئینایە؟ دێ بێژنێ :”ل شامێ”،و دێ گوهدرێژێ شامی بەتە بەنیشتێ دەڤێ خەلكێ ،دێ خەلك بێژن ئەرێ ما ل شامێ چ تشتێ چاڤێن خانما ئیمبراتۆری نە عەجباند، بتنێ گوهدرێژ نە بت ،دێ گوهدرێژێ شامێ بتە جیێ پێ ترانك و یاری پێكرن و پێ كەنینێ.
ژبەر هندێ بێژنە ئیمبراتۆری كو خودانێ گوهدرێژی نافرۆشت،دەمێ والیێ شامێ ئەڤـ سەرهاتیا تللوی بۆ ئیمبراتۆری وخانماوی ڤەگوهاستی، هەردوویا ژدل كرنە كەنی ،لدوڤ دا تللو داخازكرن بۆ قەسرا والی وخەلاتەكی رێزلێنانێ ژبۆ ڤیان و حەژێكرنا وی لسەر وەلاتێ وی پێشكێشی وی كرن،ئەڤجا هندەك كەسێن هەین كو سمعەتا وەلاتێ خۆ دپارێزن و ل جەم وان یاگرنگە و ژ زمانێ خەلكێ دترسن داكو ب خرابی بەحسا وەلاتێ وی نەكەن ،یێن هەین ژی دێ هاریكاریا دوژمنی كەن و ب هەموو ئالیەكی ڤە، داكو وەلاتی بفرۆشنە دوژمنا ،چنكو بۆ وان بتنێ بەرژەوەندیا وان یا گرنگە و بەلكو دئامادەنە ژی دگەل دوژمنی د ئێك سەنگەردا شەری بكەن دژی خەلكێ خۆ كەتوارێ نهۆ یێ كوردستان تێدا.
دپەرێت باشترین نموونەیە ،كو ئەم پێتڤی هزرو بیرێن مینا كەسانێن “تللوی ” هەنە ،پارێزڤانێن وەلاتی بن ،چنكو شام شەكرە،لێ كوردستان شیرینترە.
تُتاح هذه الصورة أيضا في: کوردی
