چیرۆكا ئەڤیندارا خۆ دناڤ دەستێن داعشێ دا بەلاڤكر
تۆرا لالش یا راگەهاندنێ
هۆزانڤانێ ئێزدی (مەحسن كولی) هۆزانا (غەریبێ وندایێ) ب كلیپەكێ بەلاڤكر،كو دەربرینێ ژ چیرۆك و ئەڤیندارا وی دناڤ دەستێن داعشێ دا دكت.
كولی خەلكێ دەڤەرا شنگالێ یە و نۆكە ل وەلاتێ ئەلمانیا دژیت، بۆ رۆژناما دەنگێ لالش دیاركر،ل دەما ل3/8/2014 ێ تیرۆرستێن داعش دەڤەرا شنگالێ داگیركری و ب هەزاران خەلكێ مە كەفتیە دەستێن تیرۆرستان دا ب تایبەتی كچ و ژن و دەستێ گەلەك ئەڤینداران ژ هەڤبووی و ب هەڤ شاد نەبووین، لەوا من خوەست ڤێ هۆزانێ كلیپ بكەم ،كو ل ستودیۆیا من بخۆ و ل باژێرێ (ئا ینبەك) هاتیە وێنەكرن و ژ دەرهێنان و وێنەگەریا (سایر سووری)یە،دیسان دەربرینێ ژ چیرۆك و ئەڤیندارا من یا دناڤ دەستێن داعشێ دكت،كو ئەو یا رزگاربووی و نۆكە مە خێزان پێكئینایە.
گۆتژی ئەڤ هۆزان ل سالا 2015ێ هاتیە چێكرن و دكەم دیاری ژبۆ هەر گەنجەكێ ئەڤیندارا وی دناڤ دەستێن داعشێ دا مایی.
تُتاح هذه الصورة أيضا في: کوردی
