ئهو شاشيێن دبنه ئهگهرێ لاوازبوونا هێلا وايفاى د ناڤ مالان دا چنه؟
گاڤ نيوز
لاوازيا هێلا وايفاى Wi-Fi د ناڤ مالان دا، ئێك ژ ئاريشهيانه كو گهلهك كهس ژێ دنالن. ژمارهيهكا تشتان د ناڤ مال دا، دبنه ئاستهنگ ل بهرانبهر دهربازبوونا سيگنالا هێلا وايفاى.
رۆژنامهيا The Sun يا بريتانى؛ ژمارهيهكا شاشيان كو دبنه ئهگهرێ لاوازيا وايفاى د ناڤ مالان دا و هندهك شيرهت ژ بۆ چارهسهركرنا ڤێ چهندێ بهلاڤكرينه.
گلۆپ و ئاميرێن كارهبێ و ئامیرێن ئێلێكترۆنيێن دى وهك ساركهرێ، ب ئێك ژ گرنگترين ئەگەرێن لاوازيا هێلا وايفاى دهێنه هژمارتن كو سيگنالێن كههروموگناتيسى يێن ژ وان دهردكهڤن؛ دبنه ئهگهرێ پهيدابوونا تهشويشێ ل سهر سيگنالێن وايفاى. ژ بۆ چارهسهركرنا ڤێ چهندێ؛ پێدڤيه ئهڤ ئاميرێن ههنێ ل جهێن دوير ژ راوتهرێ وايفاى د ناڤ مالان دا بهێنه دانان.
مايكرۆوەیڤ ژى ب ئێك ژ وان ئاميران دهێته هژمارتن كو هێلا ئهنترنێتێ لاواز دكهت، چونكى رێژهيهكا مهزن ژ تيشكێن كههروموگناتيسى بهرههم دئينيت كو ل گهل سيگنالێن راوتهرێ وايفاى تێكهل دبن. ژبهر هندێ، باشتره د دهمێ ئهنجامدانا پهيوهنديێن ڤيديۆيى يێن كوالێتيا وان بلند يان تهماشهكرنا ڤيديۆيێن كوالێتيا وان بلند يان ئهنجامدانا كارێن گرنگ ل سهر ئهنترنێتێ دا، مايكرۆوەیڤ نههێته بكارئينان.
ههروهسا شارهزا پێشنياز دكهن كو هێلێن عهردى بۆ پهيوهنديكرنێ ل جهێ موبايلان بهێنه بكارئينان سهرهراى زهحمهتيا ڤێ چهندێ د ڤى سهردهمى دا.
ژ بۆ بهێزكرنا هێلا وايفاى، ل گۆرهى شارهزايان؛ گرنگه راوتهرێ وايفاى ل جههكێ بلند ل سهر مێزهكێ يان تشتهكێ ب بلنداهيا 5 تا 7 پێيان بهێته دانان دا كو سيگنال بگههيته ههمى جهێن د ناڤ مالێ دا.
تُتاح هذه الصورة أيضا في: کوردی