ئایفۆنا رووسی تێ دروستکرن
ئێن ئارتى
کۆمپانیا روس ئەلترۆنیکس یا رووسیا ب ژڤانە موبایلەکێ دروست بکەت ژ روویێ باشیا کوالیتێ ڤە هەڤرکی یا مۆبایلا ئایفۆنێ بکەت.
ئاژانسا تاس یا رووسیا دوهی ٢٥ێ ئەیلۆلا ٢٠١٦ێ ژ زارێ ئیگۆر کۆزلۆف، رێڤەبەرێ کۆمپانیا روس ئەلترۆنیکس بەلاڤکریە، ل سالا ٢٠١٨ێ دێ مە ئایفۆنا رووسی هەبیت و بهایێ وێ ژی دێ گەهیتە ١٣٠ دۆلاران.
هەمان ئاژانسێ بەلاڤکر، کۆمپانیا روس ئەلترۆنیکس ل سالا ٢٠٠٩ێ هاتییە دامەزراندن و بەشەکە ژ کۆمپانیا روستیک کو ژلایێ حکومەتێ ڤە تێ برێڤەبرن.
ئەو دوو کۆمپانی بابەت و پێدڤیێن ئەلکترۆنی و ئامیرێن مایکرۆیڤ یێن تایبەت دروست دکەن.
حکومەتا رووسیا سەدێ ١٥ێ یا داهاتێ سالانە یا وان کۆمپانیان بۆ دروستکرنا بەرهەمێن بوارێ مەدەنی بکارتینیت و سەدێ ٨٥ ژی د بوارێ بکارئانینا سەربازی دا بکارتینیت.
د دەمێ چەند سالێن بووری دا کۆمپانیا ئەپڵ مۆبایلا ئایفۆن دروستکر، د نها ژی دا بوویە ئێک ژ بەرهەمێن هەرە باش د جیهانێ دا و داخوازەکا زۆر یا خەلکی ل سەر بکارئانیا وێ مۆبایلێ هەیە.
تُتاح هذه الصورة أيضا في: کوردی
