کچێن ئێزدی یێن ژ دەستێن تیر
ۆرستان رزگاربووین دێ گۆژمەکێ دراڤى وەرگرن
ئەڤرۆ نیوز:
سەرۆکێ کۆتلا برایەتی و پێکڤە ژیانێ ل جڤاتا پارێزگەھا نەینەوا بۆ رۆژناما ئەڤرۆ دیار کر کو ب پشتەڤانیا حوکمەتا ھەرێما کوردستانێ کۆژمێ ملیار دیناران ھاتنە تەرخانکرن بۆ کچ و ژنێن ژ دەستێن رێکخراوا تیرۆرستی یا داعش رزگاربووین.
سەیدۆ چەتۆ، سەرۆکێ کۆتلا برایەتی و پێکڤە ژیانێ ل جڤاتا پارێزگەھا نەینەوا دیار کر کو ھزار و 860 رزگاربووین کوردێن ئێزدی ژ دەستێن داعش دێ مفاداربن ژ ملیار دیناران، بەلێ ھێشتا میکانزما بەلاڤکرنێ نەھاتیەدانان و گۆت: “ژڤانە ل دو رۆژێن بھێت میکانزما ناڤھاتی ب دووماھی بھێت و پارە ژی یێ ئامادەیە چو ئاریشە نینن”.
ناڤبری ئاماژە دا وێ چەندێ کو ھزار و 100 کەسێن رزگاربووین یێن چووینە دەرڤەی وەلاتی و ژ ڤی کۆژمێ پارەیی مفادار نابن بتنێ دێ ئەو کەس مفاداربن یێن ل ھەرێما کوردستانێ د ئاکنجی و گۆت: “ئەڤ کۆژمێ پارەیی وەکو پشتەڤانیەکێ بۆ وان کچ و ژن و زەلامان بۆ وێ چەندێ بشێن ھەر چو نەبیت چارەسەریا خوە پێ بکەن”
د لایەکێ دی دا ناڤھاتی خویا کر کو ژ بۆدجەیا گەشەپێدانا پاریزگەھا نەینەوا ل ڤێ حەفتیێ دێ ئاھێن خوارنێ ل سەر ھەموو ئاواران ھێنە بەلاڤکرن و گۆت: “رەوشا ئاواران نە یا باشە دبن خیڤەتاندا پێدڤی ب گەلەک جۆرێن ھاریکاریان ھەنە ب تایبەتی ژی د وەرزی ھاڤینێ دا ژبەر ڤێ چەندێ ئەم دخوازین د ھەموو بواران دا زێدەتر ھاریکاریا وان بھێتەکرن”.
تُتاح هذه الصورة أيضا في: کوردی
